१४,१७,१९ वर्षे मुले,मुली गटामध्ये अकलूज,माढा, सांगोला संघ विजयी
सांगोला ( प्रतिनिधी) सोलापूर जिल्हा शालेय बास्केटबॉल स्पर्धा सांगोला विद्यामंदिर प्रशाला व ज्युनिअर कॉलेज सांगोला येथील बास्केटबॉल इनडोअर कोर्टमध्ये रविवार दि.५ ऑक्टोबर २०२५ रोजी संपन्न झाल्या.यामध्ये १४,१७,१९ वयोगट – मुले ३३ संघ व मुली ३० संघ सहभागी झाले होते.
या स्पर्धेचे उद्घाटन बास्केटबॉल छत्रपती पुरस्कार विजेते हाजी मलंग नदाफ यांचे हस्ते झाले.यावेळी जिल्हा क्रीडा अधिकारी सत्यन जाधव , बास्केटबॉल आदर्श क्रीडा संघटक पुरस्कार विजेते राजेंद्र नारायणकर, सांगोला तालुका बास्केटबॉल असोसिएशन सचिव प्रशांत मस्के,सांगोला विद्यामंदिरचे प्राचार्य अमोल गायकवाड, उपमुख्याध्यापक चिंतामणी देशपांडे, उपप्राचार्य प्रकाश म्हमाणे,पर्यवेक्षक प्रदीप धुकटे, काकासो नरूटे उपस्थित होते.
या स्पर्धेमध्ये १४ वर्षे मुली गट ग्रीन फिंगर्स स्कूल,अकलूज प्रथम,१७ वर्ष मुली गट ग्रीन फिंगर अकलूज प्रथम,१९ वर्षे मुली गट आर्या पब्लिक स्कूल ,माढा प्रथम तसेच १४ वर्षे मुले गट ग्रीन फिंगर्स अकलूज प्रथम,१७ वर्षे मुले गट शंकराव मोहिते पाटील अकलूज प्रथम,१९ वर्षे मुले गट सांगोला विद्यामंदिर सांगोला प्रथम क्रमांक असे यश मिळविले.
या यशस्वी खेळाडूंचे सांगोला तालुका शिक्षण प्रसारक मंडळ सांगोला अध्यक्ष प्रा.प्रबुद्धचंद्र झपके, सचिव मल्लिकार्जुन घोंगडे सहसचिव प्रशुद्धचंद्र झपके खजिनदार शंकरराव सावंत संस्था कार्यकारिणी सदस्य शीलाकाकी झपके,विश्वेश झपके,सर्व संस्था सदस्य, पर्यवेक्षक उत्तम सरगर, शिक्षक, शिक्षकेत्तर कर्मचारी यांनी अभिनंदन केले.
या स्पर्धा यशस्वी करण्यासाठी सोलापूर जिल्ह्यातून आलेले पंच राजेंद्र नारायणकर, माजिद खान, चंद्रशेखर बुरा, सागर खाडे, रणवीर मनसावाले, मोईन सय्यद दानिश शेख, सोफिया पठाण सांगोला विद्यामंदिर प्रशाला व ज्युनिअर कॉलेज क्रीडा शिक्षक डी के पाटील,नरेंद्र होनराव, अजित मोरे,अन्सार इनामदार,संतोष लवटे ,संतोष निंबाळकर यांचे योगदान महत्त्वपूर्ण होते..
