मोकाट कुत्र्यांचे निरबिज़ीकरण करून रेबीजचे लसीकरण करण्यात येणार; मोकाट कुत्र्यांचा बंदोबस्त करणेकामी नगरपरिषदेकडून निविदा प्रकिया
सांगोला(प्रतिनिधी):- शहरातील मोकाट कुत्र्यांचा बंदोबस्त करणेकामी निविदा प्रकिया नगरपरिषद मार्फत राबवण्यात आली असून त्या अंतर्गत शहरातील मोकाट कुत्र्यांचे निरबिज़ीकरण करून सदर कुर्यांना रेबीजचे लसीकरण करण्यात येणार आहे.
सांगोला शहरातील मोकाट जनावरांचा बंदोबस्त करणेसंदर्भात कार्यशाळा तहसीलदार तथा नपा प्रशासक श्री. संजय खडतरे व मुख्याधिकारी डॉ. सुधीर गवळी यांचे मार्गदर्शनखाली सांगोला नगरपरिषद मध्ये पार पडली. शहरातील मोकाट कुत्रे व इतर जनावरांमुळे होणार्या उपद्रव यांचेवर उपाययोजना करण्याची मागणी समर्थ जेष्ठ नागरिक संघ, सांगोला यांचे मार्फत करणेत आली होती. त्यास अनुसरून नगरपालिका प्रशासना मार्फत सदर कार्यशाळेचे आयोजन करण्यात आले होते.
शहरातील मोकाट जनावरणामुळे शहरा लगत असणार्या शेतीचे नुकसान होऊ नये यासाठी सदर जनावरे पकडून गोरक्षण संस्थेला सोपावणे बाबत सकारात्मक चर्चा करण्यात आली.
ज्या नागरिकांनी त्यांची स्व मालकीची जनावरे नगरपरिषद हद्दीमध्ये सोडली आहेत त्यांनी सदर जनावरे बंदिस्त न केल्यास अशा पशुपालकावर शासनामार्फत कठोर कारवाई अशी मागणी समर्थ ज्येष्ठ नागरिक संघामार्फत प्रशासनास करण्यात आली आहे.
