प्रधानमंत्री पिक विमा योजना प्रचारप्रसिद्धी रथाचे तहसिलदार संजय खडतरे यांचे हस्ते उद्घाटन
प्रधानमंत्री पिक विमा योजना प्रचारप्रसिद्धी रथाचे तहसिलदार संजय खडतरे यांचे हस्ते उद्घाटन
एक रूपयामध्ये पिक विमा योजनेत सहभागी होणेबाबत आवाहन
आज दि.२४ जुलै २०२३ रोजी तहसिल कार्यालय सांगोला येथे ओरिएन्टल इंन्शुरन्स कंपणी व कृषि विभाग यांचे वतिने पिक विमा प्रचारप्रसिद्धी रथाचे उद्घाटन तहसिलदार संजय खडतरे यांचे हस्ते करण्यात आले. आजपासुन तिन दिवस प्रचारप्रसिद्धी रथाद्वारे तालुक्यातील सर्व गावांमध्ये पिक विमा योजनेत सहभागी होणेबाबत जनजागृती करण्यात येणार आहे.
खरिप पिकांसाठी पिक विमा योजनेत सहभागी होणेसाठी अंतिम तारिख ३१ जुलै २०२३ आहे. पिक विमा हाफ्ता फक्त एक रूपया असणार आहे. बाजरी , तुर , मका, कांदा व कापुस या पिकांचा पिक विमा भरता येणार आहे. पिक विमा भरणेसाठी ७/१२ उतारा , ८ अ उतारा , आधारकार्ड , बँक पासबुक व पिक पेराबाबत स्वयंघोषणापत्र ही कागदपत्रे आवश्यक आहेत.
संभाव्य पेरणी गृहीत धरूनही पिक विमा भरता येईल. गतवर्षी प्रधानमंत्री पिक विमा योजनेत खरिप मध्ये १३०० शेतकरी सहभागी झाले होते. यावर्षी आत्तापर्यंत १०५६२ शेतकरी सहभागी झाले आहेत. ३१ तारखेपर्यंत जास्तीत जास्त शेतकरी बांधवांनी सहभागी व्हावे असे आवाहन यावेळी तहसिलदार संजय खडतरे व तालुका कृषि अधिकारी शिवाजी शिंदे यांनी केले. यावेळी मंडळ कृषि अधिकारी प्रविण झांबरे , पिक विमा कंपणी तालुका प्रतीनिधी चेतन खटकाळे व शेतकरी मोठ्या संख्येने उपस्थित होते.
