सांगोला विद्यामंदिर इंग्लिश मेडिअम स्कूलचा विविध गुणदर्शनाचा बहारदार कार्यक्रम संपन्न.

यावेळी इंग्रजी माध्यमाच्या विद्यार्थ्यानी लोकगीते,पोवाडे, विविध देखावे तसेच हिंदी,मराठी गाण्यांनी उपस्थित प्रेक्षकांची वाहवा मिळवली.तत्पूर्वी दुपारी एक वाजता श्री व सौ जुंदळे व उपस्थित परीक्षक, सांगोला विद्यामंदिर इंग्लिश मेडिअम स्कूलच्या मुख्याध्यापिका शिल्पा ढाळे,प्राथमिक विद्यालयाचे प्रभारी मुख्याध्यापक उदय बोत्रे, पूर्व  प्राथमिक विद्यालयाच्या मुख्याध्यापिका रोहिणी महारनवर, बालक मंदिराच्या सविता देशमाने, सुकेशिनी नागटिळक, स्नेह संमेलन प्रमुख चेतन कोवाळे, आंडगे मॅडम  दोन्ही माध्यमाचे विद्यार्थी व विद्यार्थीनी प्रतिनिधी यांच्या हस्ते नटराजाच्या मूर्तीचे पूजन करण्यात आले.

आज सांगोला विद्यामंदिर प्राथमिक विद्यालय, पूर्व प्राथमिक विद्यालय,इंग्लिश मेडिअम स्कूलचा बक्षीस वितरण समारंभ ख्यातनाम वक्ते प्राध्यापक सुरज चौगुले यांच्या शुभहस्ते तर संस्था अध्यक्ष प्रा. प्रबुद्धचंद्र झपके यांच्या अध्यक्षतेखाली संस्था खजिनदार शं. बा .सावंत यांच्या प्रमुख उपस्थितीत  सकाळी दहा वाजता संपन्न होणार आहे . या कार्यक्रमास सर्व पालकांनी व विद्यामंदिर परिवारावर प्रेम करणाऱ्या शिक्षणप्रेमींनी उपस्थित रहावे असे आवाहन मुख्याध्यापिका श्रीमती शिल्पा ढाळे मॅडम व प्राथमिक विद्यालयाचे प्रभारी मुख्याध्यापक उदय बोत्रे यांनी केले आहे.