सांगोला(प्रतिनिधी):-सिव्हिल इंजिनिअर असोसिएशन सांगोला यांचेकडून क्रांतीज्योती सावित्रीबाई फुले यांचे जयंती व सांगोला विधानसभा मतदारसंघाचे नवनिर्वाचित आमदार डॉ.बाबासाहेब देशमुख यांचे वाढदिवसाचे औचित्य साधून भोपळे रोड येथील जिल्हा परिषद प्राथमिक शाळेचे आवारात पर्यावरणाचा समतोल साधण्यासाठी वृक्षारोपण कार्यक्रम संपन्न झाला. वृक्षारोपण कार्यक्रमासाठी प्रमुख पाहुणे म्हणून पंचायत समिती सांगोलाचे शिक्षण विस्तार अधिकारी लक्ष्मीकांत कुमठेकर, केंद्रप्रमुख अस्लम इनामदार उपस्थित होते.
कार्यक्रमास इंजिनिअर असोसिएशनचे अध्यक्ष इंजि.संतोष भोसले, इंजि.निलेश माने, इंजि.विलास बिले, इंजि.संतोष माळी, इंजि.आकाश म्हेत्रे, इंजि. सुधीर सुरवसे, इंजि.समाधान भालके, इंजि.भूषण कुमार देशमुख, इंजि.संजय पांडे, इंजि.प्रशांत राऊत, इंजि.हरी काशीद, इंजि.चेतन कांबळे, इंजि.नितीन सांगोलकर, इंजि.दीपक जाधव, इंजि.राहुल घंटी, इंजि.साईप्रसाद यादव, इंजि. भूषण कुमार देशमुख यांच्यासह शाळेचे मुख्याध्यापक रावसाहेब सावंत सर, श्री.भूसारी सर शिक्षक उपस्थित होते
इंजिनिअर असोसिएशन सांगोल्यांचे नव्याने झालेली स्थापना व नववर्षानिमित्त पर्यावरण पूरक वृक्षारोपणाचे कार्य जोपासले बाबत कुमठेकर यांनी असोसिएशनच्या कार्याचे कौतुक केले.इंजिनीयर असोसिएशनचे अध्यक्ष इंजि.संतोष भोसले यांनी असोसिएशन मार्फत राबवण्यात येणार्या कार्यक्रमाची रूपरेषा विशद करून सांगितली. कार्यक्रमाचे आभार असोसिएशनचे सचिव इंजि.विलास बिले यांनी मानले.
