सर्वांची सर्व कामे मार्गी लावणार – आम डॉ.बाबासाहेब देशमुख; डॉ.बाबासाहेब देशमुख यांचा महिम येथे नागरी सत्कार

सांगोला(प्रतिनिधी):-सांगोला विधानसभा मतदार संघातील व मतदार संघाबाहेरील अनेकांनी मदत केली जिवाचे रान केले म्हणुन आज आपला विजय झाला त्यामुळे माझ्या जिवात जिवमान असेपर्यत मी कोणालाही अंतर देणार नाही.  कित्येकांनी निवडणुकीअगोदर व निवडणुक काळात आपले व्यवसाय ,काम धंदा बाजुला सारुन तहान -भुक  हारपुन निवडणुकीत प्रयत्न केले आहेत यांची मला जाणीव आहे असुन विधानसभा निवडणुकीत माझा विजय सुकर व्हावा म्हणुन प्रत्येकांने काम केले आहे त्यामुळे प्रत्येकाला वाटते माझे काम झाले पाहीजे अशी अपेक्षा ठेवणे काही गैर नाही परंतु थोडं थांबा सर्वांची सर्व कामे मार्गी लावणार असल्याचा विश्वास आमदार डॉ.बाबासाहेब देशमुख यांनी दिला.

सांगोला विधानसभा मतदार संघाचे लोकप्रिय आमदार डॉ.भाई बाबासाहेब देशमुख यांचा महिम ग्रामस्थांच्या वतीने भव्य नागरी सत्कार संपन्न झाला…सत्कार समारंभापुर्वी नुतन ग्रामपंचायत कार्यालयाच्या बांधकामाचा पायाभरणी शुभारंभ आमदार डॉ.बाबासाहेब देशमुख यांच्या  शुभहस्ते कुदळ मारुन संपन्न झाला.

आमदार डॉ.भाई बाबासाहेब देशमुख यांनी बोलताना सांगीतले की येणार्‍या काळात शिक्षण व आरोग्य याकडे मी लक्ष देणार आहे..एखाद्या वाडी वस्तीवरती मुलगा किंवा मुलगी जर पैशाच्या कारणास्तव शिक्षणापासुन वंचित राहता असेल तर  मला सांगा त्या मुलाची अथवा मुलीची शिक्षणाची जबाबदारी बाबासाहेब देशमुख स्वता: घेईल असे जाहीर केले.तसेच कोणत्याही नागरीकांच्या आरोग्याची किंवा रुग्णांचे  एखाद्ये मोठे ऑपरेशन करणे भाग पडत असेल  तरी मला कळवा मी त्याची व्यवस्था करेन असा विश्वास दिला. त्याचप्रमाणे महिम गावांमध्ये दुध व्यवसाय खुप मोठा आहे.महिम गावातील दुधाचे संकलन चाळीस हजार लिटरच्या आसपास आहे.आर्थीक उलाढाल मोठी आहे त्यामुळे महिम गावात एखादी बॅक असणे गरजेचे आहे त्यासाठी प्रयत्न केले जातील तसेच येणार्‍या काही दिवसातच पशुवैद्यकीय दवाखान्यासाठी गावकर्‍यांनी योग्य ती जागा देण्याचे काम करावे असे सांगत सत्कार केल्याबदल आभार मानुन आपले मनोगत थांबवले ..

सदर कार्यक्रमास सरपंच अर्चना नारनवर, मारुती रुपनर(गुरुजी) वसंत रुपनर, दिगंबर कारंडे, शंकर चौगुले, शकुंतला शिरगीरे, स्वाती दिपक रुपनर, आण्णा कोळेकर, आबा कारंडे, बाळासाहेब घोगरे, अंकुश चौगुले, डॉ.पोपट कारंडे, विष्णु पाटील,दिपक रुपनर, सुरेश नारनवर, शामा पाटील, अनिल घोंगडे, पोपट कारंडे, मोहन रुपनर, सिताराम शिरगीरे,सुरेश महापुरे,बलभिम ऐंवळे, दादासाहेब शेंडे, बसवेश्वर लवटे, दत्ता घोगरे, सुनिल नारनवर, अंबादास लोखंडे, डॉ.आप्पा नारनवर, सचिन कारंडे व ग्रामसेवक खानसाहेब मुलाणी उपस्थित असल्याची माहीती प्रसिध्दी प्रमुख भाई चंद्रकांत सरतापे यांनी दिली. प्रस्ताविक युवा नेते परमेश्वर कोळेकर यांनी केले..

——————————————

बेकायदेशीर  व्यवसायातुन दहशत पसरवणर्‍यांची गय केली जाणार नाही- आम.बाबासाहेब देशमुख
स्व.आबासाहेबांच्या काळात आपला तालुका शांततामय तालुका म्हणुन राज्याभर परिचीत होता…तीच शांतता गेले दोन ते तीन महिन्यात पुंन्हा प्रस्थापित करण्यास आपण बर्‍यापैकी यशस्वी झालो आहोत..तसेच बेकायदेशीर व्यवसायावर आपण लक्ष ठेवुनी आहोत अशा व्यवसायातुन दहशत पसरवणर्‍यांची गय केली जाणार नाही.

——————————————

एखाद्या वाडी वस्तीवरती मुलगा किंवा मुलगी जर पैशाच्या कारणास्तव शिक्षणापासुन वंचित राहत असेल तर  त्या मुलाची अथवा मुलीची शिक्षणाची जबाबदारी मी स्वत:घेईन असे कार्यक्रमाप्रसंगी जाहीर केले.तसेच सर्वसामान्य नागरिकांस किंवा त्यांचे नातेवाईकास एखादे मोठे ऑपरेशन करणे भाग पडत असेल तरी आपण त्यासाठीही प्रयत्न करुन मदतीचा हात देवू.
आ.डॉ.बाबासाहेब देशमुख