शिवणे वार्ताहर-भारतात पारंपरिक सणांचे महत्व अधोरेखित करण्यासारखे आहे परंतु काळाच्या ओघात आधुनिकतेच्या नावाखाली या सणांचे महत्व कमी होत चालले आहे . त्यासाठी शिवणे माध्यमिक विद्यालय व ज्युनिअर कॉलेजमध्ये भावा बहिणीच्या अतूट प्रेमाचा रक्षाबंधन हा सण प्रत्येक वर्षी साजरा केला जातो तसा या वर्षी पण साजरा केला .या कार्यक्रमाच्या अध्यक्षस्थानी प्राचार्य विजयकुमार वाघमोडे हे होते.
यामध्ये सर्व मुलींनी सर्व मुलांना राख्या बांधल्या तसेच पर्यावरण संरक्षण व्हावे म्हणून झाडांनाही राख्या बांधण्यात आल्या.
अध्यक्षस्थानावरून मार्गदर्शन करताना प्राचार्य विजयकुमार वाघमोडे म्हणाले की, आपल्या बहिणीचे रक्षण करणे ही प्रत्येक भावाची जबाबदारी आहे.समाजातील प्रत्येक मुलगी आपली बहीण आहे या नैतिक विचाराने सर्वांनी राहिले पाहिजे.
कार्यक्रमाचे सूत्रसंचालन यशवंत नरळे यांनी केले.
