यश कल्याणी सेवाभावी संस्था पुणे व सोलापूर जिल्हा इंग्रजी अध्यापक मंडळातर्फे आयोजित करण्यात आलेल्या जिल्हास्तरीय वक्तृत्व स्पर्धेत सांगोला शहरातील न्यू इंग्लिश स्कूल मधील इयत्ता दहावीतील समृद्धी विष्णू माळी हिने जिल्ह्यात तृतीय क्रमांक मिळवत घवघवीत यश प्राप्त केले आहे. याबद्दल प्रशालेच्या प्रांगणात सत्कार सोहळा पार पडला.
यावेळी व्यासपीठावर न्यू इंग्लिश स्कूल चे प्राचार्य प्रा.केशव माने,पर्यवेक्षक दशरथ जाधव, तात्यासाहेब इमडे,जेष्ठ शिक्षक औदुंबर कांबळे,सांस्कृतिक प्रमुख स्मिता इंगोले आदी उपस्थित होते. कार्यक्रमाच्या सुरूवातीला नेताजी फुले यांनी प्रास्ताविक करताना गुणवंत विद्यार्थ्यांच्या यशाची माहिती दिली. जिल्हास्तरीय वक्तृत्व स्पर्धेत इयत्ता नववी ते दहावीच्या गटात समृद्धी विष्णू माळी हिने जिल्हात तृतीय क्रमांक प्राप्त केला.
याबद्दल तिचा सत्कार रोख रक्कम, ट्रॅाफी व प्रमाणपत्र देवून उपस्थित मान्यवरांच्या हस्ते करण्यात आला. सदरच्या विद्यार्थांना मार्गदर्शन करणारे प्रशालेतील इंग्रजी विषयाचे शिक्षक पर्यवेक्षक दशरथ जाधव,श्रीरंग बंडगर,कोमल भंडारे,स्मिता देशमुख,वसंत आलदर,दिप्ती कुलकर्णी व मधुकर गेजगे यांचाही यथोचित सन्मान करण्यात आला.
सदरच्या कार्यक्रमाचे सूत्रसंचालन चैतन्य फुले यांनी केले तर आभार सचिन हजारे यांनी मानले.
