गेली पाच दिवस शिक्षक क्षमता वृद्धी प्रशिक्षण पर्व दुसरे विविध टप्प्यांमध्ये संपन्न झाले.यामध्ये राष्ट्रीय शिक्षण धोरण ते शाळा गुणवत्ता मूल्यांकन आणि आश्वासन आराखडा पर्यंत विविध विषयांवर मार्गदर्शन संपन्न झाले आहे या प्रशिक्षणातून शिक्षकांची सक्षमीकरणाकडे वाटचाल सुरू झाली आहे असे प्रतिपादन जिल्हा शिक्षण प्रशिक्षण संस्थेचे अधिव्याख्याता डॉ. तुकाराम राजे यांनी केले.
10 फेब्रुवारी ते 14 फेब्रुवारी या दरम्यान गिताबाई बनकर विद्यालयात व उत्कर्ष प्राथमिक विद्यालयात शिक्षक क्षमता वृद्धी प्रशिक्षणाचे आयोजन करण्यात आले होते. प्रशिक्षणात पहिल्या टप्प्यात 400 माध्यमिक व प्राथमिक प्रशिक्षणार्थींनी सहभाग नोंदवला. समारोप कार्यक्रमाचे प्रास्ताविक प्रशिक्षण समन्वय विजयानंद कांबळे यांनी केले.प्रशिक्षणार्थींना लेखन साहित्य व शिक्षक मार्गदर्शिका पुरवण्यात आली होती.प्रशिक्षणातील ठळक मुद्द्यांवर गटकार्य,चर्चासत्रे,प्रश्न उत्तरे,तासिका माध्यमातून मार्गदर्शन करण्यात आले. जिल्हा शिक्षण व प्रशिक्षण संस्था वेळापूर येथील प्राचार्य जितेंद्र साळुंखे, गटशिक्षणाधिकारी सुयोग नवले, गटविकास अधिकारी उमेशचंद्र कुलकर्णी, विस्तार अधिकारी अमोल भंडारी,लक्ष्मीकांत कुमटेकर यांच्या मार्गदर्शनाखाली सदर प्रशिक्षण उत्साही वातावरणात संपन्न झाले. शिक्षकांनी विचारलेल्या विविध प्रकारच्या शंकांना येथील तज्ञ शिक्षकांनी समर्पक उत्तरे दिली. माध्यमिकचे समन्वयक मनोज मिसाळ, गटसाधन केंद्रातील सर्व कर्मचारी सर्व केंद्रप्रमुख यांच्या संयोजनातून प्रशिक्षणाचा पहिला टप्पा पूर्ण झाला आहे.
खालील मुद्द्यांवर प्रशिक्षणात मार्गदर्शन झाले
* राष्ट्रीय शिक्षण धोरण 2020
* राज्य अभ्यासक्रम आराखडा शालेय शिक्षण
* राज्य अभ्यासक्रम आराखडा पायाभूत स्तर समग्र प्रगती पत्रक
* क्षमता आधारित मूल्यांकन अध्ययन अध्यापन प्रक्रिया
* मूल्यांकनाची कार्यनीती प्रश्न निर्मितीचे प्रकार व प्रश्न निर्मिती कौशल्य
* शाळा गुणवत्ता मूल्यांकन आणि आश्वासन आराखडा
