डॉ.अनिकेत देशमुख यांनी आयोजीत केलेले कृषी प्रदर्शन ठरत आहे शेतकर्‍यांना पर्वणीच

या प्रदर्शनात 170 हून अधिक कंपन्या, संशोधन संस्था सहभागी झाल्या आहेत.या प्रदर्शनात कृषी क्षेत्रात नवीन तंत्रज्ञान आणि त्यामधून निर्माण होणार्‍या संधींची माहिती शेतकर्‍यांना उपलब्ध करून देण्यात आली आहे. या कृषीप्रदर्शनाला शेतकर्‍यांकडून उस्फूर्त प्रतिसाद मिळताना दिसत आहे. हे प्रदर्शन 22 जानेवारी पर्यंत सुरु राहणार आहे.

शेतकरी शेतीची विविध प्रात्याक्षिके पाहून प्रभावित झाल्याचे दिसून आले. त्यामध्ये महिला शेतकर्‍यांची संख्या लक्षणीय दिसून आली, हे विशेष होय.आपल्याला जे शाश्वत शेतीसाठी उपयोगी पडते, त्याची माहिती घेत अनेक शेतकर्‍यांनी आजचा दिवस शेती ज्ञानासाठी वापल्याचे दिसून आले. स्वयंस्फूर्तीने आलेल्या या शेतकर्‍यांनी शेतीची विविध प्रात्याक्षिके व यांत्रिक अवजारे व यांत्रिकी अवजारे पाहण्यास पसंती दिली. बहुतांशी शेतकरी हे आपल्या कुटुंबासमवेत आले होते. शेतीत नवे काहीतरी करू पाहणारे युवा उद्योजक गर्दी करताना दिसून आले.

शेतीतील समस्या सातत्याने येत राहतात, अर्थात या समस्यांवर मात करण्याचा मार्ग खरेतर प्रदर्शनात येऊन सापडला  दूरदृष्टीने शेती करण्यासाठी व नव्या कृषी संस्कृतीची,  कृषी क्रांतीची दिशा शोधण्यासाठी डॉ.अनिकेत देशमुख यांनी आयोजित केलेला यंदाचा गणेशरत्न कृषी महोत्सव आमच्यासाठी फायद्याचा ठरलेला आहे, अशा भावना कृषी प्रदर्शनास भेट देणार्‍या शेतकर्‍यांमधून होऊ लागली आहे.