राज योगी रंगनाथ स्वामी प्रतिष्ठान गणेश उत्सव मंडळ नाझरे ता. सांगोला आयोजित कै. ह.भ.प. भागवत भक्त शारदा देवी काकासो साळुंखे पाटील काकी यांच्या स्मरणार्थ ठेवण्यात आलेला भजन स्पर्धा कौतुकास्पद आहेत असे मत मा. आमदार दीपक आबा साळुंखे पाटील यांनी नाझरे ता. सांगोला येथे व्यक्त केले.
सुरुवातीस दीपक आबा साळुंखे पाटील यांच्या शुभहस्ते श्री गणेशाची महाआरती करण्यात आली यावेळी स्पर्धक परीक्षकांचा सत्कार करण्यात आला. आपण काकीच्या प्रथम पुण्यस्मरणानिमित्त भव्य भजन स्पर्धा आयोजित केल्या होत्या परंतु त्यांचा 31 डिसेंबर जन्मदिन व कै. मा आमदार काकासो साळुंखे पाटील यांचा 14 जानेवारी जन्मदिन व माझा जन्मदिन सात जानेवारी आहे त्यामुळे मी खरोखरच भाग्यवान आहे त्यामुळे येथून पुढे जन्मदिनानिमित्त आपण जवळा ता. सांगोला येथे आई-वडिलांच्या स्मरणार्थ स्मृती प्रतिष्ठान मार्फत एक कोटी रुपयाचे सभागृह नवीन तयार करीत आहोत व त्यातून वर्षभर भजन, गायन व नवीन भजनी मंडळ तयार होतील व जवळा हे अध्यात्मिकाचे केंद्र बनेल. तसेच माझ्या आईने तीस वर्षे आळंदी ते पंढरपूर दिंडी केली व मी पण यावर्षी आळंदी ते पंढरपूर दिंडी सुरू केली आहे.
राज योगी रंगनाथ स्वामी यांचे कार्य महान असून माझ्या आईच्या नावे येथे स्पर्धा भरवल्या त्या खरोखरच कौतुकास्पद आहेतच. व लोकमान्य टिळकांनी गणेशोत्सव सुरुवात करून सामाजिक सलोखा निर्माण केला व आज गणरायाचे महत्त्व जगाला कळले. आपण यापुढे अध्यात्मिक व परमार्थाची सेवा सुरू ठेवू यासाठी सर्व जेष्ठ मंडळीचा आशीर्वाद राहावा अशी मी विनंती करतो. यापुढे या मंडळांने भजन स्पर्धा भरवून नवीन भजनी मंडळाला साथ द्यावी व प्रोत्साहन द्यावे असे ही दीपक आबा साळुंखे पाटील यांनी यावेळी सांगितले.
