रोटरी क्लब सांगोला यांच्यावतीने मातोश्री वृद्धाश्रमास किराणा सामान कपडे प्रदान..

रोटरी क्लब सांगोला ही संस्था नेहमीच गरजूंच्या मदतीसाठी आघाडीवर असते.सांगोला येथे विना अनुदानावर चालवण्यात येणाऱ्या मातोश्री वृद्धाश्रम येथे त्यांची गरज ओळखून मदत करण्यात आली. यावेळी येथे राहणाऱ्या गरजूसाठी किराणा सामान, महिलांसाठी साडी व पुरुषांसाठी शर्ट पॅन्ट देण्यात आले.

या ठिकाणी राहणाऱ्या वृद्ध,ज्येष्ठ अशा लोकांना याचा वापर होईल या उद्देशाने या वस्तू देण्यात आल्या. यावेळी मातोश्री वृद्धाश्रमाचे राहुल जाधव यांनी उपस्थिताचे स्वागत केले.या कार्यक्रमाचे प्रास्ताविक रो.इंजि.विकास देशपांडे यांनी केले व रोटरीचा हात मदतीसाठी नेहमीच पुढे राहील असे सांगितले.या कार्यक्रमास वृद्धाश्रमातील सर्वजण तसेच रोटरी क्लबचे सदस्य रो.इंजी.हमिद शेख, रो.शरणाप्पा हळळीसागर, रो.अरविंद डोंबे,तसेच ग्रामसेवक नवनाथ करे,अर्जुन लगड इत्यादी नागरिक हजर होते.