सांगोला विद्यामंदिरमध्ये इ.११ वी.पालक- शिक्षक सभा संपन्न

सांगोला ( प्रतिनिधी) सांगोला तालुका शिक्षण प्रसारक मंडळ, सांगोला संचलित सांगोला विद्यामंदिर ज्युनिअर कॉलेज सांगोला शैक्षणिक वर्ष २०२४-२५ इ.११ वी.कला, वाणिज्य व शास्त्र शाखेच्या विद्यार्थ्यांची पहिल्या सत्रातील पालक- शिक्षक सहविचार सभा मोठ्या उत्साहात पार पडली. विद्यार्थ्यांचा सर्वांगीण विकास व गुणवत्ता वाढीसाठी पालक,शिक्षक व विद्यार्थी यांची भूमिका अतिशय महत्त्वाची आहे या उद्देशाने या पालक सभेचे आयोजन करण्यात आले.

यावेळी व्यासपीठावर सभेचे अध्यक्ष सांगोला विद्यामंदिर ज्युनिअर कॉलेजचे प्राचार्य अमोल गायकवाड, उपमुख्याध्यापिका शहिदा सय्यद,उपप्राचार्य प्रकाश म्हमाणे,पालक शिक्षक संघाचे सदस्य शरद शिंदे उपस्थित होते.

सभेच्या सुरुवातीला प्रास्ताविकातून प्रा.शिवशंकर तटाळे यांनी सभेचा हेतू विषद करत उपस्थितांचे स्वागत व ज्युनिअर कॉलेजमधील अध्यापक ओळख करून दिली. त्यानंतर शिक्षक मनोगतातून प्रा. राजेंद्र कुंभार यांनी कॉलेज मध्ये राबवल्या जाणाऱ्या विविध उपक्रमांची माहिती दिली. तसेच प्रा. मिलिंद देशमुख यांनी बाह्य परीक्षाविषयी मार्गदर्शन केले. पालकांच्या मनोगतामध्ये श्री संजय खटकाळे, श्री.आण्‍णासो गुजरे ,श्री.बंडू इंगोले, श्री.संजयकुमार जगताप, श्री रामचंद्र पवार ,सौ.वर्षा बांगर, सौ.संगीता कदम, श्री.लिंगराज बुधगिरे, श्री संदीप पंडित,श्री. बबन पवार आदींनी शाळेविषयी गौरवोद्गार काढून काही सूचनाही दिल्या.

यावेळी उपप्राचार्य प्रकाश म्हमाणे यांनी आपल्या मनोगतातून विद्यार्थ्यांच्या गुणवत्ता वाढीसाठी पालकांनी शाळेशी आणि विषय शिक्षकांशी संपर्क साधावा असे सांगत शिस्तीचे महत्व सांगितले व गुणवत्तेसाठी शाळेमध्ये राबवल्या जाणाऱ्या वेगवेगळ्या उपक्रमाची माहिती दिली.
या पालक- शिक्षक सभेसाठी सांगोला विद्यामंदिर ज्युनिअर कॉलेजचे शिक्षक,पालक, विद्यार्थी मोठ्या संख्येने उपस्थित होते. सूत्रसंचालन प्रा.कु.अर्चना कटरे यांनी केले.तर प्रा.सागर बुधावणे यांनी आभार प्रदर्शन केले

—————————————————————————

विद्यार्थ्यांच्या शैक्षणिक जडणघडणीत त्यांच्यावर संस्कार रुजवण्यासाठी शिक्षक,विद्यार्थी आणि पालक यांचा एकत्र सुसंवाद झाला तर विद्यार्थ्यांच्या गुणवत्तेबरोबर त्यांचा सर्वांगीण विकास होऊन भारताची पुढील उन्नत युवापिढी घडविण्यास योगदान मिळेल.त्यामुळे विद्यार्थ्यांच्या जडणघडणीत शिक्षकांबरोबर पालकांची भूमिका महत्त्वाची आहे.
विद्यार्थ्यांच्या विकासासाठी संस्कार शिबिरे घेतली जातात परंतु आम्ही शाळेमध्येच वेगवेगळ्या उपक्रमातून विद्यार्थ्यांना संस्कार देण्याचा प्रयत्न करतो आहे.
प्राचार्य अमोल गायकवाड
सांगोला विद्यामंदिर, सांगोला

—————————————————————————