ग्रामपंचायत जवळा अंतर्गत विविध विकास कामांचा भूमिपूजन सोहळा उत्साहात संपन्न.; तरुण मंडळींनी एकत्रित येत गावाचा विकास केला पाहिजे- दिपकआबा.

जवळे ( प्रशांत चव्हाण):- जनतेच्या समस्या सोडवण्यासाठी तरुण मंडळींनी एकत्रित येत गावाचा विकास केला पाहिजे आपल्या गावाचे नाव कसे उज्वल होईल हे बघितलं पाहिजे असे प्रतिपादन राष्ट्रवादी काँग्रेसचे प्रदेश उपाध्यक्ष तथा माजी आमदार दिपक आबा साळुंखे- पाटील यांनी व्यक्त केले.

भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या 132 व्या जयंती सोहळा निमित्त ग्रामपंचायत जवळा अंतर्गत वार्ड क्रमांक 4 मधील जुना राजवाडा येथे विविध विकास कामाच्या भूमिपूजन सोहळा उत्साही वातावरणात संपन्न झाला. यावेळी माजी आमदार दिपक आबा साळुंखे- पाटील बोलत होते.
पुढे बोलताना दिपकआबा म्हणाले सगळ्या समाजाला न्याय देण्याची भूमिका आपण या पुढील काळातही चालू ठेवणार असून त्यासाठी निधीची कमतरता कमी पडू देणार नाही. समाजाला जी गरजेची कामे आहेत ती कामे करण्याचा आपण सातत्याने प्रयत्न करतोय हीच डॉ. बाबासाहेब आंबेडकरांची शिकवण असून त्याच्या अनुषंगाने ही कामे आपण करतोय मला जनतेच्या विकास कामासाठी ताकद द्यावी अशी प्रार्थना मी करतो असे शेवटी आबांनी आवर्जून सांगितले.
तत्पूर्वी डॉ. बाबासाहेब आंबेडकर यांच्या प्रतिमेला मा.आ.दिपक आबा साळुंखे- पाटील व सरपंच सौ. सुषमाताई घुले- सरकार यांच्या हस्ते पुष्पहार अर्पण करून अभिवादन करण्यात आले. यावेळी मेणबत्त्या प्रज्वलित करून सामुदायिक त्रिसरण पंचशीला महेश मागाडे सर यांनी ग्रहण केली व महामानवास त्रिवार वंदन केले. यावेळी मा. आ.दिपक आबा साळुंखे- पाटील यांचा सत्कार डॉ. बाबासाहेब आंबेडकर जयंती उत्सव मंडळ जवळे यांच्या वतीने करण्यात आला.यानंतर विविध विकास कामांचे भूमिपूजन करण्याचा मान मा. आ. दिपक आबा साळुंखे- पाटील यांच्या सूचनेनुसार महिलांना देण्यात आला. यावेळी महिलांनी श्रीफळ फोडून भूमिपूजन केले.
सदर प्रसंगी सरपंच सौ. सुषमाताई घुले- सरकार, उपसरपंच नवाज खलिफा, अरुण भाऊ घुले- सरकार, बाबासो इमडे, अनिल साळुंखे, बंडू साळुंखे, पोपट नाडगे, मैनुद्दीन शेख, दत्ता बर्वे, सुनील आबा साळुंखे, अशोक भोसले, आनंदा नायकुडे रसाळ भाऊसाहेब, शिवाजी काका बंडगर, दिपक कांबळे, अनिल सुतार, ग्रामपंचायत सदस्य विठ्ठल गयाळी, विजयकुमार तारळकर, सौ. मीना सुतार, लीलावती म्हेत्रे, पोलीस पाटील अतुल गयाळी यांच्यासह भिम अनुयायी मोठ्या संख्येने उपस्थित होते. हा कार्यक्रम यशस्वी करण्यासाठी जवळा ग्रामपंचायत कर्मचार्‍यांनी परिश्रम घेतले. या कार्यक्रमाचे सूत्रसंचालन व आभार ग्रामपंचायत सदस्य सज्जन मागाडे सर यांनी केले.