सांगोला : अकोला – वासुद (ता. सांगोला) येथे ग्राम परिवर्तन फाउंडेशन व ग्रामपंचायतच्या वतीने शिवजयंतीच्या पार्श्वभूमीवर देवराईत वृक्षारोपण करण्यात आले. गावात शिवजयंती निमित्त विविध कार्यक्रमाचे आयोजन करण्यात आले असल्याची माहिती ग्राम परिवर्तन फाउंडेशनच्या वतीने देण्यात आली.
अकोला (वा.) येथील ग्राम परिवर्तन फाउंडेशनच्या प्रथम वर्धापन दिनानिमित्त देवराईत शनिवारी (ता. १८) रोजी विविध मान्यवरांच्या हस्ते वृक्षारोपण करण्यात आले. यावेळी तहसीलदार आकाश लिगाडे, पोलीस निरीक्षक अनंत कुलकर्णी, तहसीलदार विक्रम शिंदे, सरपंच मनीषा सुरवसे, गणेश शिंदे, अशोक शिंदे, योगेश खटकाळे, अनिल खटकाळे, नंदू शिंद, गणेश खटकाळे, दीपक खटकाळे, प्रवीण खटकाळे, अमोल शिंदे, प्रकाश मिसाळ, भाऊसो लिगाडे, ब्रह्मदेव खटकाळे, शशिकांत गव्हाणे, सुधाकर चंदनशिवे, विनायक लेंडवे, पत्रकार मोहन मस्के, दत्तात्रय खंडागळे, किशोर म्हमाणे, इत्यादी मान्यवर उपस्थित होते. वर्धापन दिनानिमित्त रविवारी शिवजयंती निमित्त दुपारी एक ते सायंकाळी सहा वाजेपर्यंत दक्षता हॉस्पिटल, रेवनील ब्लड बँकच्या वतीने आरोग्य तपासणी शिबीर व रक्तदान शिबिराचे आयोजन करण्यात आले आहे. सकाळी दहा वाजता प्रा. विशाल गरड यांचे ‘शिवचरित्र आजच्या काळाची गरज’ या विषयावर व्याख्यानाचे आयोजन करण्यात आले. या कार्यक्रमासाठी तहसीलदार अभिजीत पाटील, गट विकास अधिकारी आनंद लोकरे, तालुका कृषी अधिकारी शिवाजी शिंदे, मानगंगा परिवार अर्बन को-ऑपरेटिव्ह बँकेचे संस्थापक अध्यक्ष नितीन इंगोले उपस्थित राहणार आहेत. गावात उभारण्यात आलेल्या “किल्ल्यांची भिंती”चे उद्घाटन मान्यवरांच्या हस्ते होणार आहे.
मुस्लिम व्यक्तीकडून शिवमूर्तीची भेट
अकोला (वा.) येथील बबन मुलाणी (सर) या मुस्लिम समाजातील व्यक्तीने शिवजयंतीच्या पार्श्वभूमीवर छत्रपती शिवाजी महाराजांची मूर्ती ग्रामपंचायतीस भेट दिली गेली. यावेळी मान्यवरांच्या हस्ते या मुलांणी सरांचा सत्कार करण्यात आला.
