माणगंगा परिवारातर्फे उल्लेखनीय कार्य केलेल्या मान्यवरांना माणगंगा गौरव पुरस्काराने सन्मानित करण्यात येणार – नितीन (आबासाहेब) इंगोले

सांगोला ( प्रतिनिधी): अल्पावधीतच लोकप्रिय झालेल्या माणगंगा परिवार अर्बन को ऑप क्रेडिट सोसायटी सांगोला यांच्या वतीने विविध क्षेत्रात उल्लेखनीय कार्य केलेल्या व्यक्तींना जीवन गौरव पुरस्कार व माणगंगा गौरव पुरस्कार देवून सन्मानित करण्यात येणार आहे. २६ जानेवारी रोजी सायंकाळी चार वाजता एमबीएम मॉल, सांगोला येथे कार्यक्रम संपन्न होणार आहे.

डॉ.डी. वाय.पाटील विद्यापीठाचे कुलपती डॉ.पी.डी. पाटील, आमदार शहाजीबापू पाटील, माजी आमदार दीपकआबा साळुंखे पाटील, पुरोगामी युवक संघटनेचे प्रदेशाध्यक्ष डॉ.बाबासाहेब देशमुख, जिल्हाध्यक्ष चेतनसिंह केदार सावंत यांच्या हस्ते या पुरस्काराचे वितरण करण्यात येणार आहे.

तरी या कार्यक्रमास तालुक्यातील राजकीय, सामाजिक, शैक्षणिक, साहित्य क्षेत्रात कार्य करणाऱ्या मान्यवरांनी उपस्थित राहावे असे आवाहन माणगंगा परिवाराचे संस्थापक अध्यक्ष नितीन (आबासाहेब) इंगोले यांनी केले आहे.

सोलापूर जिल्ह्यातील ग्रामीण भागातील व सांगोला तालुक्यातील पहिले एम.एस. सर्जन डॉ. अमर शेंडे यांना माणगंगा जीवन गौरव पुरस्काराने सन्मानित करण्यात येणार आहे. तसेच जेष्ठ साहित्यिक डॉ.कृष्णा इंगोले, शिक्षण व कृषी विकास प्रतिष्ठान, मेडशिंगीच्या सचिवा सुवर्णा दिलीप इंगवले, श्री श्री श्री रुद्रपशुपती कोळेकर महाराज, गुरुकृपा शेतकरी संघ ,रोटरी क्लब सांगोला, गुळमिरे उद्योग समूहाचे सोमनाथ गुळमिरे, गौडवाडी येथील आंतरराष्ट्रीय खेळाडू साक्षी सरगर, सांगोला अर्बन को-ऑप.बँकेचे संस्थापक चेअरमन डॉ. प्रभाकर माळी, राज्यस्तरीय भालाफेक स्पर्धेत सुवर्णपदक विजेता नीरज महारनवर या सर्वांना माणगंगा परिवारातर्फे माणगंगा गौरव पुरस्कार देवून सन्मानित करण्यात येणार आहे. तरी या कार्यक्रमास तालुक्यातील नागरिकांनी मोठ्या संख्येने उपस्थित राहावे असे आवाहन माणगंगा परिवाराचे संस्थापक अध्यक्ष नितीन (आबासाहेब) इंगोले यांनी केले आहे.