सांगोला: फॅबटेक टेक्नीकल कॅम्पस, कॉलेज ऑफ इंजिनिअरींग अॅड रिसर्च, मधील सिव्हील विभागांतर्गत ग्रेजुएट एप्टीट्यूड टेस्ट इन इंजिनिअरींग (GATE) परीक्षा २०२५ या ऑनलाईन परीक्षेविषयी मार्गदर्शन शिबीर आयोजत करण्यात आले होते, गेट परीक्षा मार्गदर्शन सिव्हील विभागाचे विभाग प्रमुख प्रा.शिवानंद माळी यांनी केले.
प्रा. माळी यांनी सांगितले कि, ही परीक्षा राष्ट्रीय स्तरावर घेतली जाते. GATE परीक्षा देशातील कठीण परीक्षांपैकी एक आहे. जर तुम्ही इंजिनिअरिंग क्षेत्रात करिअर करू इच्छित आहात तर लक्षात असणे गरजेचे आहे कि परीक्षेच्या माध्यमातून अनेक करिअर विकल्प उपलब्ध होतात. दरवर्षी लाखोंच्या संख्येत उमेदवार गेट परीक्षेची तयारी करत असतात. GATE परीक्षा उत्तीर्ण असलेल्या विद्यार्थ्यांना देशातील टॉप आय.आय.टी.महाविद्यालयांतून एम.टेक. करण्याची संधी मिळते. इतकेच नव्हे तर उमेदवार कोणत्याही खाजगी विद्यापीठातून एम.टेक चे शिक्षण घेऊ शकतो. GATE परीक्षेतील गुणांच्या आधारावर एम.टेक मध्ये प्रवेश मिळतो,त्याचबरोबर उमेदवार पी.एचडी. करू शकतो बी.टेक मध्ये पदवीधर असणारा उमेदवाराला जर पी.एचडी करण्याची इच्छा आहे तर गेट उत्तीर्ण करणे अनिवार्य आहे. गेट मध्ये उत्तीर्ण उमेदवार संशोधनात देखील करिअर घडवू शकतात. BARC तसेच इसरोमध्ये संशोधक म्हणून कार्य करू शकतात. गेट परीक्षेत उत्तीर्ण उमेदवार PG डिप्लोमा करू शकतात. जर तुम्ही गेट उत्तीर्ण आहात आणि सरकारी क्षेत्रात नोकरीची संधी शोधात आहात तर बीएचईएल, आईओसीएल, ओएनजीसी, एनटीपीसी सारख्या कंपनीमध्ये पीएसयू पदी आपली भूमिका बजावू शकता. या क्षेत्रामध्ये कंपन्यांना मोठ्या प्रमाणात इंजिनिअरिंग विद्यार्थ्यांची गरज असते. असे अनेक पर्याय GATE उत्तीर्ण झाल्यावर उपलब्ध होतात. अशी माहिती प्रा. माळी यांनी सांगितली.
हे मार्गदर्शन शिबीर संस्थेचे चेअरमन मा.श्री.भाऊसाहेब रुपनर, मॅनेजिंग डायरेक्टर डॉ.अमित रुपनर, कार्यकारी संचालक मा.श्री.दिनेश रूपनर, कॅम्पस डायरेक्टर डॉ. संजय अदाटे, प्राचार्य डॉ.रविंद्र शेंडगे, यांच्या मार्गदर्शनाखाली संपन्न झाले.
