सावे माध्यमिक विद्यालयात गुरुपौर्णिमा उत्साहात साजरी.
सावे माध्यमिक विद्यालयात गुरुपौर्णिमा उत्साहात साजरी करण्यात आली. सर्वप्रथम महर्षी व्यास यांच्या प्रतिमेचे पूजन करण्यात आले.
त्यानंतर विद्यालयातील विद्यार्थी व विद्यार्थिनींनी सर्व शिक्षकांना पुष्पगुच्छ देऊन अभिवादन केले. तसेच विद्यालयातील सहशिक्षक श्री बर्गे सर यांनी गुरुपौर्णिमेचे महत्त्व विद्यार्थ्यांना सांगितले. आज महर्षी व्यास यांचा जन्मदिवस म्हणून गुरुपौर्णिमा सर्वत्र साजरी केली जाते. गुरुर्ब्रह्मा, गुरुर्विष्णु, गुरुर्देवो, महेश्वरा याप्रमाणे आपले गुरु आपणास वंदनीय असतात. गुरुमुळेच आपणास चांगले संस्कार , ज्ञान मिळते असे त्यांनी आपल्या मनोगतातून सांगितले.
विद्यार्थी मनोगतातून कुमारी ज्योती कांबळे, वैष्णवी नलवडे ,पुनम बंडगर ,अस्मिता शेळके व संतोष गडदे यांनी गुरुचे महत्व सांगितले. यामध्ये प्राचीन काळापासून गुरुबद्दल आदर व सन्मान करण्यात येतो. आपणास गुरु हे ज्ञानाचा प्रकाश दाखवतात म्हणूनच आपणाला जीवनात यश प्राप्ती होते असे त्यांनी सांगितले.
कार्यक्रमास विद्यालयाचे मुख्याध्यापक श्री शेळके सर व सर्व शिक्षक व शिक्षकेतर कर्मचारी व विद्यार्थी विद्यार्थिनी मोठ्या संख्येने उपस्थित होते.
