सांगोला (प्रतिनिधी )- सांगोला-मिरज रेल्वे गेट रस्ता दुरुस्त करावा अशी मागणी शहीद जवान बहुउद्देशीय सामाजिक संस्थेकडून रेल्वे स्टेशन मास्तर, सांगोला रेल्वे स्टेशन यांचेकडे काल शनिवार दि.24 ऑगस्ट रोजी निवेदनाव्दारे करण्यात आली असल्याची माहिती अध्यक्ष अच्युत फुले व सचिव संतोष महिमकर यांनी दिली.
सांगोले शहरातील मिरज रोडवरील रेल्वे बोगदा गेट क्र. 32 एए हा सांगोले शहरातील झालेल्या पावसामुळे मोठया प्रमाणात खड्डे व पाणी साचून राहत आहे. त्यामुळे सांगोला शहरातील नागरीकांना व शाळेतील विद्यार्थी, वयोवृध्द व नागरीक यांना मोठ्या प्रमाणावर खड्डे पडल्यामुळे व पाणी साचल्यामुळे जीव मुठीत धरून जावे लागत आहे व अपघात सदृश्य परिस्थिती निर्माण होण्याची शक्यता आहे. तरी सदरचा रेल्वे गेट क्र. 32 एए हा खड्डेमुक्त व पाण्याचा निचरा करून त्वरीत मिळावा.
तसेच सांगोला महूद रोडवरील रेल्वे गेट मधून येणारे जाणारे नागरीकांना काटेरी झुडुपाचा मोठया प्रमाणात त्रास होत आहे. तरी काटेरी झुडुपे लवकरात लवकर काढून टाकावी. सदरचा रेल्वे गेट क्र. 32 एए हा बोगदा खड्डेमुक्त करण्याची मागणी निवेदनात करण्यात आली आहे.
