भारतरत्न डॉ.बाबासाहेब आंबेडकर जयंती उत्सव मंडळाच्या वतीने मंगळवारी आमदार शहाजीबापू पाटील यांचा नागरी सत्कार
सांगोला (प्रतिनिधी) : भारतरत्न डॉ. बाबासाहेब आंबेडकर जयंती उत्सव मंडळ सांगोला यांनी सांगोला शहरात लोक वर्गणीतून डॉ. बाबासाहेब आंबेडकर यांचा पूर्णाकृती पुतळा उभारणीसाठी सुरू केलेले बांधकाम अंतिम टप्प्यात आले आहे. या ठिकाणी डॉ.बाबासाहेब आंबेडकर यांच्या पुतळा चबुतरा बांधकामासाठी जयंती उत्सव मंडळाने आमदार शहाजीबापू पाटील यांचेकडे निधीची मागणी केली होती .आमदार शहाजीबापू पाटील यांनी या मागणीची दखल घेत महाराष्ट्र राज्याचे लोकप्रिय मुख्यमंत्री एकनाथ शिंदे यांच्याकडे प्रस्ताव पाठवून नगरविकास विभागाकडून तब्बल 2 कोटी निधी मंजूर करून घेतला .केंद्रीय सामाजिक न्यायमंत्री ना. रामदासजी आठवले यांच्या शुभहस्ते व आमदार शहाजीबापू पाटील यांच्या अध्यक्षतेखाली चबुतरा बांधकामाचे भूमिपूजन करण्यात आले होते. बांधकामाच्या ठिकाणी चबुतराचे काम ,सुशोभीकरण पूर्णत्वास येत आहे. या कामासाठी आमदार शहाजीबापू पाटील यांनी भरघोस असा 2 कोटी रुपये निधी दिल्याबद्दल सांगोला येथील भारतरत्न डॉ. बाबासाहेब आंबेडकर जयंती उत्सव मंडळाच्या वतीने , मंगळवार दिनांक 8 ऑक्टोबर 2024 रोजी सायंकाळी 5 वाजता भीमनगर दीक्षाभूमी कट्टा सांगोला येथे आमदार शहाजीबापू पाटील यांच्या भव्य नागरी सत्काराचे आयोजन करण्यात आले आहे अशी माहिती जयंती उत्सव मंडळ व सत्कार समितीच्या वतीने देण्यात आली आहे.
यावेळी युवासेनेचे जिल्हा संपर्कप्रमुख सागर पाटील, विधानसभा प्रमुख प्रा.संजय देशमुख, विधानसभा समन्वयक सुभाष इंगोले, तालुका संघटक युवराज पाटील, महिला आघाडीच्या तालुकाप्रमुख राणीताई माने, ओबीसी आघाडीचे जिल्हाप्रमुख शिवाजी घेरडे, शिवसेना नेते दिग्विजय पाटील, शिवसेना तालुकाप्रमुख दादासाहेब लवटे, युवासेना तालुकाप्रमुख दीपक उर्फ गुंडादादा खटकाळे, नूतन तालुका संपर्क प्रमुख अभिजीत नलवडे, मागासवर्गीय आघाडीचे तालुकाप्रमुख दीपक ऐवळे, विद्यार्थी संघटनेचे जिल्हाप्रमुख प्रितेश दिघे, विद्यार्थी संघटनेचे तालुकाप्रमुख अजिंक्य शिंदे, शिवसेना शहर संघटक आनंदा माने, शहरप्रमुख ज्ञानेश्वर तेली, शिवसेना शहर उपप्रमुख सोमेश यावलकर, युवासेना शहरप्रमुख समीर पाटील, महिला आघाडीच्या शहरप्रमुख छायाताई मेटकरी, महिला शहर समन्वयक शोभाकाकी घोंगडे, शिवसेना ओबीसी सेलच्या शहर प्रमुख आयुब मुलाणी, शिवसेना एससी सेल शहरप्रमुख कीर्तीपाल बनसोडे आदी मान्यवर उपस्थित राहणार आहेत.
सांगोला येथे भारतरत्न डॉ.बाबासाहेब आंबेडकर यांच्या स्मारकाचे बांधकाम अंतिम टप्प्यात आले असून या बांधकामासाठी आमदार शहाजीबापू पाटील यांनी मुख्यमंत्री एकनाथजी शिंदे यांच्या नगरविकास खात्याकडून पूर्णाकृती पुतळा उभारणी बांधकामाच्या ठिकाणी चबुतरा बांधकामासाठी 2 कोटी रुपये निधी दिला आहे. लवकरच हे बांधकाम पूर्ण होणार असून नजीकच्या काळात भारतरत्न डॉ. बाबासाहेब आंबेडकर यांचा पूर्णाकृती पुतळा अनावरण कार्यक्रम मान्यवरांच्या उपस्थितीमध्ये संपन्न होईल. भारतरत्न डॉ. बाबासाहेब आंबेडकर जयंती उत्सव मंडळाच्या वतीने आमदार शहाजीबापू पाटील यांचा भव्य नागरी सत्कार सोहळा शुक्रवारी सायंकाळी 5 वाजता भीमनगर दीक्षाभूमी कट्टा सांगोला येथे आयोजित केला आहे . या कार्यक्रमासाठी मोठ्या संख्येने उपस्थित राहावे असे आवाहन सत्कार समितीच्या वतीने करण्यात आले आहे.
