अंतर महाविद्यालयीन टेबल टेनिस स्पर्धेत सांगोला महाविद्यालयातील मुलींच्या संघाला यश

पुण्यश्लोक अहिल्यादेवी होळकर सोलापूर विद्यापीठ सोलापूर यांच्या वतीने शिक्षणशास्त्र महाविद्यालय, बार्शी येथे अंतर महाविद्यालयीन  टेबल टेनिस स्पर्धेचे आयोजन करण्यात आले होते. या स्पर्धेमध्ये सांगोला महाविद्यालयातील मुलींचा संघाने तृतीय क्रमांक पटकावला. त्याचबरोबर दोन विद्यार्थिनींची विद्यापीठ संघामध्ये निवड झाली.

या यशाबद्दल संस्थेचे अध्यक्ष श्री बाबुराव गायकवाड, उपाध्यक्ष श्री.तात्यासाहेब केदार व श्री प्रा.पी.सी. झपके, खजिनदार श्री.नागेश गुळमिरे, सचिव श्री. म.सि. झिरपे, सहसचिव श्री. साहेबराव ढेकळे व इतर संस्था पदाधिकारी तसेच महाविद्यालयाचे प्रभारी प्राचार्य, डॉ. सुरेश भोसले यांनी अभिनंदन केले. खेळाडूंना प्रभारी प्राचार्य डॉ. सुरेश भोसले, शारीरिक शिक्षण संचालक प्रा. जगदीश चेडे व जिमखाना कमिटीचे सर्व सदस्य यांचे मार्गदर्शन लाभले.