मनमानी कारभार व गटबाजीला कंटाळून य. मंगेवाडी येथील शिवसेना (उबाठा) गटाच्या शेकडो कार्यकर्त्यांचा शेतकरी कामगार पक्षात प्रवेश
सांगोला :विधानसभा निवडणुकीच्या पार्श्वभूमीवर शेतकरी कामगार पक्षाकडून जोरदार मोर्चेबांधणी सुरू आहे. शेतकरी कामगार पक्षाचे उमेदवार डॉ.बाबासाहेब देशमुख व डॉ.अनिकेत देशमुख यांच्या यांच्या नेतृत्वावर विश्वास ठेवून य. मंगेवाडी येथील शिवसेना(उबाठा) गटाच्या प्रकाश भडंगे, विकास भडंगे, वसंत भडंगे, नितीन भडंगे, सचिन भडंगे, ओंकार भडंगे, विकास भडंगे, मुरलीधर भडंगे यांच्यासह शेकडो कार्यकर्त्यांनी शेकाप मध्ये प्रवेश केला.डॉक्टर बाबासाहेब देशमुख व डॉ.अनिकेत देशमुख यांच्या उपस्थितीत या सर्वांचा पक्ष प्रवेश सोहळा संपन्न झाला.
सध्याचे नेतृत्व विश्वासात घेत नसल्याने तसेच मनमानी कारभार व गटबाजीला कंटाळून सांगोला तालुक्यातील य.मंगेवाडी येथील शिवसेना(उबाठा) गटाच्या शेकडो कार्यकर्त्यांनी पक्षाला निरोप देत शेकापमध्ये प्रवेश केला. आगामी विधानसभा निवडणुकीच्या तोंडावर हा प्रवेश झाल्याने सांगोला तालुक्यात राजकीय घडामोडींना वेग आलेला आहे.यावेळी य. मंगेवाडी व परिसरातील पक्षाचे नेते,पदाधिकारी,कार्यकर्ते मोठ्या संख्येने उपस्थित होते.
शेतकरी कामगार पक्षाचे उमेदवार डॉक्टर बाबासाहेब देशमुख व डॉक्टर अनिकेत देशमुख यांच्या नेतृत्वाखाली शेतकरी कामगार पक्षात काम करण्याचा निर्णय य.मंगेवाडी येथील प्रकाश भडंगे, विकास भडंगे, वसंत भडंगे, नितीन भडंगे, सचिन भडंगे, ओंकार भडंगे, विकास भडंगे, मुरलीधर भडंगे यांच्यासह शेकडो कार्यकर्त्यांनी घेतला आहे.यावेळी डॉ बाबासाहेब देशमुख यांनी या सर्वांचे स्वागत करून शेतकरी कामगार पक्षात आपणास योग्य तो मानसन्मान दिला जाईल असे आश्वासन देवून सर्वांचे स्वागत केले.
य. मंगेवाडी येथील शेकडो कार्यकर्त्यांनी शेतकरी कामगार पक्षात प्रवेश केल्याने कार्यकर्त्यामध्ये उत्साहाचे वातावरण आहे. विधानसभा निवडणुकीत शेतकरी कामगार पक्षाचे उमेदवार डॉक्टर बाबासाहेब देशमुख यांना य. मंगेवाडी भागातून विक्रमी मताधिक्य देण्याचा निर्धार प्रवेश केलेल्या कार्यकर्त्यांनी या वेळी व्यक्त केला.
