सांगोला तालुका उच्च शिक्षण मंडळाचे, सांगोला महाविद्यालयात बिरसा मुंडा यांच्या जयंती निमित्त, त्यांच्या प्रतिमेस दि.15 नोव्हेंबर 2024 रोजी महाविद्यालयाचे प्रभारी प्राचार्य डॉ. सुरेश भोसले यांच्या हस्ते पुष्पहार अर्पण करण्यात आला. बिरसा मुंडा यांचा जन्म झारखंडमधील उलिहातू या गावी १५ नोव्हेंबर, १८७५ रोजी झाला. त्यांचे शिक्षण जर्मन मिशननरी स्कूल मध्ये झाले. सगळ्यांमध्ये मिळून मिसळून राहण्याचा बिरसाचा स्वभाव होता. त्यामुळे तरुण वयात त्यांनी समवयस्क आणि समविचारी सहकार्यांचे संघटन केले. बिरसांना आपल्या वडिलांचे सुगन मुंडांचे जबरदस्तीने धर्मांतर केल्याबद्दल ख्रिस्ती मिशनऱ्यांचा व इंग्रजांचा मनस्वी राग येत असे. त्यातच अशिक्षित आदिवासींवर इंग्रजांकडून होणारा अत्याचार पाहून इंग्रज अधिकाऱ्यांना धडा शिकवण्याचा विचार त्यांनी केला. बिरसा मुंडांनी गोडगेडा गावातील स्वामी आनंद पांडे यांना गुरुस्थानी मानले होते. त्यांच्या आशीर्वादाने आणि त्यांच्या सहकार्या ने इंग्रज सरकारच्या अन्यायाविरोधात बिरसा मुंडाने छोटा नागपूर क्षेत्रात इ.स १८९५ साली लढा उभारला. इंग्रजांनी त्याला अटक केली व तुरुंगात अतोनात छळ केला. ९ जून १९०० रोजी बिरसा मुंडा यांचा रांची कारागृहात मृत्यू झाला. बिरसा मुंडा यांना लोकांनी जननायक हा किताब बहाल केला. त्यांचा कार्याचा आदर्श घ्यावा असे उद्गार यावेळी महाविदयाल्याचे प्रभारी प्राचार्य डॉ. सुरेश भोसले यांनी काढले.
कार्यक्रम यशस्वी होण्यासाठी, कार्यक्रमाचे नियोजन डॉ.ए.एम.पवार व श्री. अवधूत कुलकर्णी व श्री. प्रदीप आसबे यांनी केले. यावेळी प्राध्यापक,प्रशासकीय कर्मचारी वर्ग उपस्थित होते.
