सांगोला : शहरातील फॅबटेक पॉलिटेक्निक मध्ये वार्षिक क्रिडा स्पर्धा नुकत्याच संपन्न झाल्या. या स्पर्धेचे उद्घाटन फॅबटेक टेक्निकल कॅम्पस चे चेअरमन श्री. भाऊसाहेब रुपनर यांच्या हस्ते झाले.यावेळी व्यवस्थापकीय प्रतिनिधी डॉ .सुरज रुपनर, कॅम्पस डायरेक्टर डॉ.संजय आदाटे व पॉलिटेक्निक चे प्राचार्य प्रा.तानाजी बुरुंगले उपस्थित होते.
सदर मुलांच्या स्पर्धेतील क्रिकेट स्पर्धेमध्ये कॉम्प्यूटर विभागाने विजेते पद पटकावले. खोखो क्रीडा प्रकारामध्ये देखील कॉम्प्यूटर विभागाने बाजी मारताना विजेते पद पटकावले व मेकॅनिकल विभागास उपविजेते पदावर समाधान मानावे लागले. कबड्डी क्रीडा प्रकारामध्ये पुन्हा एकदा कॉम्प्युटर विभागाने विजेतेपद पटकावले तर सिव्हिल विभागाने उपविजेते पद पटकावले.व्हॉलीबॉल प्रकारात मेकॅनिकल विभागाने विजेते पद व इलेक्ट्रॉनिक्स अँड टेलिकम्युनिकेशन विभागाने उपविजेते पद पटकावले.बॅडमिंटन या वैयक्तिक क्रीडा प्रकारात मेकॅनिकल विभागामधिल विद्यार्थ्यानी बाजी मारताना कु.रोहित बुरुटे यानी विजेते पद पटकावले तर कु. अभिजित जगताप याने उपविजेते पद पटकावले. बुद्धिबळ स्पर्धेमध्ये सिव्हिल विभागाचा कु.शिवम साळुंखे प्रथम क्रमांक व इलेक्स्ट्रॉनिक्स अँड टेली कम्युनिकेशन च्या कु. कृष्णराज गायकवाड ने द्वितीय क्रमांक प्राप्त केला.कॅरम मध्ये कॉम्प्युटर चा कु.यश वाघमोडे प्रथम व सिव्हिल चा कु.हार्दिक बनसोडे द्वितीय आला. मुलींच्या स्पर्धेमध्ये इलेक्ट्रॉनिक्स अँड टेलिकम्युनिकेशन विभागाने निर्भेळ यश संपादन करताना क्रिकेट आणि कबड्डी या दोन्ही सांघिक क्रीडा प्रकारात विजेतेपद व कॉम्प्यूटर विभागाने उपविजेतेपद पटकावले.खोखो मध्ये कॉम्प्यूटर विभागाने प्रथम व इलेक्ट्रॉनिक्स विभाग द्वितीय आला.व्हॉलीबॉल मध्ये पुन्हा एकदा कॉम्प्युटर विभागाने बाजी मारत प्रथम क्रमांक पटकावला व सिव्हिल विभागास द्वितीय क्रमांकावर समाधान मानावे लागले.बॅडमिंटन या वैयक्तिक क्रीडा प्रकारात इलेक्ट्रॉनक्स अँड टेलिकम्युनिकेशन विभागातील कु.उमा बाबर हिने विजेते पद पटकावले तर सिव्हिल विभागातील कु.शारदा सुरवसे हिने उप विजेतेपद पटकावले.बुद्धिबळ स्पर्धेत इलेक्ट्रॉनिक्स विभागातील कु. हर्षदा भुसनर प्रथम व कु.सायली ताटे ने द्वितीय क्रमांक प्राप्त केला.कॅरम मध्ये इलेक्ट्रॉनिक्स ची कु.मंजिरी बनसोडे प्रथम व कॉम्प्युटर ची कु.वैष्णवी ताटे द्वितीय आली. या स्पर्धा यशस्वी होण्यासाठी क्रीडा समन्वयक प्रा.बापूसाहेब गुंजाळ , व प्रा. बिरा वगरे यांनी मोलाचे सहकार्य केले .
या स्पर्धेतील सर्व विजेत्या विद्यार्थ्यांचा कॅम्पस डायरेक्टर डॉ. संजय अदाटे, फार्मसी चे प्राचार्य डॉ.संजय बैस , पब्लिक स्कूल चे प्राचार्य प्रा. सिकंदर पाटील यांच्या हस्ते पारितोषिक देऊन गौरव करण्यात आला.
