शालेय क्रीडा क्रिकेट स्पर्धेत सांगोला  विद्यामंदिरचे वर्चस्व कायम

१४ व १७ वर्षे दोन्ही वयोगटात तालुक्यात  प्रथम
सांगोला (सांगोला ( प्रतिनिधी)  शालेय क्रीडा स्पर्धा सन २०२२-२३ क्रिकेट या खेळाचे दिनांक 5 व 6 डिसेंबर रोजी क्रीडा संकुल सांगोला येथे आयोजन करण्यात आले होते, यामध्ये १४ वर्षे वयोगट व १७ वर्षे वयोगटांमध्ये सांगोला विद्यामंदिर प्रशाला व ज्युनिअर कॉलेजच्या विद्यार्थ्यांनी प्रथम क्रमांक मिळवला व तालुकास्तरावर क्रिकेट स्पर्धेमध्ये आपले वर्चस्व कायम राखले.
या सर्व यशस्वी विद्यार्थ्यांना सांगोला विद्यामंदिर प्रशाला व ज्युनिअर कॉलेजचे क्रीडा शिक्षक व सांगोला तालुका क्रीडा स्पर्धा क्रिकेट विभाग प्रमुख नरेंद्र होनराव यांचे मार्गदर्शन मिळाले.तसेच , ज्युनिअर कॉलेज क्रीडा विभाग प्रमुख प्रा.डी. के. पाटील, क्रीडा शिक्षक प्रा.सचिन चव्हाण , संतोष लवटे,सुभाष निंबाळकर याचे  मार्गदर्शन मिळाले.

या धवल यशाबद्दल सर्व यशस्वी विद्यार्थ्यांचा सांगोला तालुका शिक्षण प्रसारक मंडळ सांगोला अध्यक्ष प्रा. प्रबुद्धचंद्र झपके व संस्था सचिव म.शं.घोंगडे  यांचे हस्ते व  प्राचार्य भीमाशंकर पैलवान, उपमुख्याध्यापक लक्ष्मण जांगळे,उपप्राचार्य प्रा. गंगाधर घोंगडे, पर्यवेक्षक अजय बारबोले , पोपट केदार, बिभीषण माने, मार्गदर्शक क्रीडा शिक्षक नरेंद्र होनराव यांच्या उपस्थितीत सत्कार करण्यात आला व जिल्हास्तरासाठी स्पर्धेसाठी  शुभेच्छा दिल्या..
तसेच या सर्व यशस्वी विद्यार्थ्यांना  सांगोला तालुका शिक्षण प्रसारक मंडळ सांगोला सहसचिव प्रशुद्धचंद्र झपके, खजिनदार शंकरराव सावंत, सर्व संस्था कार्यकारिणी सदस्य, शिक्षक शिक्षकेत्तर कर्मचारी यांनी अभिनंदन केले .व पुढील जिल्हास्तरीय स्पर्धेसाठी शुभेच्छा दिल्या..