शिवणे माध्यमिक विद्यालय व ज्युनिअर कॉलेज मध्ये जागतिक योग दिन साजरा
शिवणे वार्ताहर-21 जून हा दिवस संपूर्ण जगात योग दिन म्हणून साजरा केला जातो.यावर्षी त्याचे 10 वे वर्ष असून त्या दिनाचे औचित्य साधून शिवणे माध्यमिक विद्यालय व ज्युनिअर कॉलेजआणि एन.एस.एस.विभागाच्या वतीने मध्ये कार्यक्रमाचे आयोजन करण्यात आले होते.
सदर कार्यक्रमासाठी योग मार्गदर्शक प्रा. शोभनतारा मेटकरी मॅडम, अतुल लुंगारे सर यांनी गौरी घाडगे आणि कोमल वाघमारे 12 वी विज्ञान यांच्या साथीने योग प्रात्यक्षिक करून दाखविली .यामध्ये व्यायाम प्राणायाम,विविध आसन प्रकार करून दाखविले.
सदर प्रात्यक्षिक संपल्यावर विद्यालय व ज्युनिअर कॉलेज तर्फे वरील मान्यवरांचा प्राचार्य विजयकुमार वाघमोडे यांच्याहस्ते गुलाबपुष्प देऊन सत्कार करण्यात आला. आभार व्यक्त करण्यात आले.कार्यक्रमाचे संचालन यशवंत नरळे सर यांनी केले.
या कार्यक्रमाच्या शेवटी गेल्या वर्षी इयत्ता 7 वी,आणि 8वी च्या मुलांची भारत टॅलेंट सर्च परीक्षा घेण्यात आली होती त्यामध्ये महाराष्ट्र रँक मध्ये क्वालिफाय झालेल्या एकूण 16मुलांचा आणि मुलींचा वही पेन आणि गुलाबपुष्प देऊन सत्कार करण्यात आला . राष्ट्रगीताने कार्यक्रमाची सांगता झाली .सदर कार्यक्रम यशस्वी करण्यासाठी सर्व शिक्षक स्टाफ,आणि कर्मचारी यांनी कष्ट घेतले.
