डॉ.गणपतराव देशमुख जीवन गौरव पुरस्कार मिळाल्या बद्दल एस.एस.सी 69 बैच तर्फे प्रा.झपके यांचा सत्कार

सांगोला/- डॉ.गणपतराव देशमुख जीवन गौरव पुरस्कार सांगोला तालुका शिक्षण प्रसारक मन्डळचे अध्यक्ष प्रबुद्धचंद्र झपके याना माजी मुख्यमंत्री व केंद्रीय गृहमंत्री सुशीलकुमार शिंदे यांच्या हस्ते काही दिवसापूर्वी समारंभपूर्वक प्रदान करण्यात आला.त्याब्द्द्ल झपके सरांच्या एस.एस.सी.69 बैच मधील मित्रमंडळीनी त्यांचा सत्कार करुन शुभेच्छा दिल्या.

झपके सराना जीवन गौरव मिळाल्या नंतर अनेक संस्था व मित्रमंडळीनी त्याना सत्कार करुन शुभेच्छा दिल्या होत्या, मात्र वर्ग मित्रांचा सत्कार म्हणजे माहेरचा सन्मान असल्याने तो उशिराने घेत असल्याचे प्रा.राजेंद्र ठोंबरे यानी प्रास्ताविकात सांगितले.

प्रा.ठोंबरे हे जरी झपके सरांचे विद्यार्थी असले तरी ते एस.एस.सी.69 या ग्रुप चे समन्वयक व प्रतोद असल्याने त्यानी मित्रमंडळीचे वतीने मनोगत व्यक्त केले.एक गुरु म्हणून व मित्र म्हणून चतुरस्त्र व्यक्तिमत्व असलेल्या झपके सराबद्द्ल प्रचंड आदर व श्रद्धा असल्याने झपके सरांच्या प्रत्येक कार्यक्रमास आवर्जून उपस्थित रहात असल्यचे प्रा.ठोंबरे यानी सांगितले.या प्रसंगी वर्गमित्र महादेव घोंगडे सर यानी शुभेच्छा दिल्या.

ते म्हणाले की आगामी वर्षात महाराष्ट्रात विधानसभा निवडणुका जाहीर होणार आहेत.त्या निवडणुकीसाठी झपके सरानी अर्ज भरुन निवडणूक कॉंग्रेस पक्षातर्फे लढ्वावी अशी अपेक्षा घोंगडे यांनी व्यक्त केली.

सत्कारला उत्तर देताना झपके सर म्हणाले की,  समाजकारण हेच मुख्य ध्येय ठेउन कार्य करत असल्याने आमदार व्हावे,निवडणूक लढवावी,असे स्वप्न कधीच पाहिले नव्हते.सन 2014 साली कॉंग्रेस पक्षातर्फे मागणी न करता सांगोला विधान सभेचे तिकिट मिळाले होते.मात्र भूमिकेवर ठाम असल्याने तिकिट नाकारले.मुम्बई मध्ये कॉंग्रेस भवनात तिकिट मागण्यासाठी जमलेल्या भाउगर्दीत तिकिट नाकारणारा मी एकटाच असल्याची आठवण या वेळी करुन दिली.

निवडणूक लढविण्या पेक्षा तिकिट मिळणे, तिकिटा साथी कॉंग्रेस पक्षाचे वतीने विचार होणे ही देखिल मोठी गोष्ट असल्याचे मत झपके यानी सत्कारला उत्तर देताना व्यक्त केले.वर्गमित्राकडून झालेला सत्कार,त्यांचे प्रेम हीच मोठी उर्जा असुन ही गोष्ट आमदारकी पेक्षा मोठी असल्यचे झपके यानी सांगितले.या कार्यक्रमात या मित्रमंडळीचे समन्वयक व ग्रुपचे प्रतोद प्रा.ठोंबरे यांचा श्रीकांत बीडकर यांचे हस्ते स्टार ऑफ द गेट टुगेदर पुरस्कार मिळाल्या बद्द्ल सत्कार करण्यात आला.सदर कार्यक्रमास सांगोला विद्यमानदिर प्रशाला एस.एस.सी.69 बैच मित्रमंडळतील श्रीकांत बीडकर,संजीव नाकिल,अब्दुल गनी सय्यद,प्रकाश होनराव, विश्वेश्वर कोठावळे,अर्जुन पवार,गोविंद आहेरकर ,अरूण कांबळे,शामराव म्हेत्रे, सत्तू देशमुख,रावसाहेब गायकवाड, चिन्चोली चे माजी सरपंच बेहेरे आदि मित्र- सद्स्य उपस्थित होते.