sangolaeducational
प्रमोद रायचुरे यांना रसायनशास्त्र विषयातून पी.एच.डी. ; पुढील संशोधन कार्यासाठी IIT मुंबई येथे निवड
सांगोला येथील रहिवासी डॉ.प्रमोद चंद्रकांत रायचुरे यांनी नुकतीच बिर्ला इन्स्टिट्यूट ऑफ टेक्नॉलॉजी अँड सायन्स (BITS) पिलानी,राजस्थान येथून रसायनशास्त्र विषयातून विद्यावाचस्पती (Ph.D.) ही पदवी संपादन केली असून पुढील संशोधन कार्यासाठी त्यांची इंडियन इन्स्टिट्यूट ऑफ टेक्नॉलॉजी,मुंबई येथे निवड झाली आहे.
डॉ.प्रमोद रायचुरे यांनी आपले कनिष्ठ महाविद्यालयीन शिक्षण सांगोला विद्यामंदिर ज्युनिअर कॉलेज, सांगोला तर पदवीचे शिक्षण सांगोला महाविद्यालय, सांगोला येथून पूर्ण केले. 2016 मध्ये शिवाजी विद्यापीठ, कोल्हापूर, संलग्न असलेल्या यशवंतराव चव्हाण इन्स्टिट्यूट ऑफ सायन्स, सातारा येथून सेंद्रिय रसायनशास्त्रात पदव्युत्तर पदवी प्राप्त केली.
विद्यापीठ अनुदान आयोग (UGC) द्वारे मान्यताप्राप्त असिस्टंट प्रोफेसरसाठी त्यांनी ‘महाराष्ट्र राज्य पात्रता परीक्षा (MH-SET) उत्तीर्ण केली असून जानेवारी 2018 मध्ये त्यांची पीएच.डी. रसायनशास्त्र विभाग, BITS पिलानी(राजस्थान)येथे निवड झाली होती. जानेवारी 2018 पासून ते BITS पिलानी येथे ते “Functional Luminescent complexes for cost-effective analyte sensing and Polymer Synthesis for Tunable White Light Emission ” या विषयावर काम करत होते. दरम्यानच्या काळात त्यांनी भारत सरकारच्या DRDO TBRL Lab सोबत Sensing of Explosives Material या विषयावर काम करण्याचा अनुभव घेतला, त्याचबरोबर Mechanofluochromism, Tunable White Light Emission, – सक्रिय luminescent Iridium metal कॉम्प्लेक्स Creatinine बायोमोलेक्यूल्स सेन्सिंगसाठी नव्याने विकसित केले.
भविष्यात किडनीच्या आजाराच्या रुग्णांसाठी बायोमार्कर म्हणून परवडणाऱ्या आणि अत्यंत संवेदनशील चाचण्या-किट प्रदान करणे हा त्यांचा उद्देश आहे. त्यांनी पीअर-रिव्ह्यू केलेल्या आंतरराष्ट्रीय जर्नल्समध्ये चार संशोधन लेख प्रकाशित केले आहेत आणि आजपर्यंत सहा परिषदांमध्ये/सिम्पोझिअममध्ये शोधनिबंध सादर केले आहेत. मानवतेच्या फायद्यासाठी अत्याधुनिक संशोधन करण्यासाठी उपलब्ध असलेल्या सर्व संसाधनांचा वापर करणे ही त्यांची आवड आहे.
या संशोधन कार्यासाठी त्यांचे मार्गदर्शक डॉ.इनामूर लसकर यांचे त्यांना बहूमोल मार्गदर्शन लाभले. आपले Ph.D चे संशोधन पूर्ण करताच पुढील संशोधन कार्यासाठी त्यांची इंडियन इन्स्टिट्यूट ऑफ टेक्नॉलॉजी, बॉम्बे(IITB) येथे निवड झाली आहे. त्यांच्या या उज्ज्वल यशाबद्दल त्यांचे सर्वत्र कौतुक होत आहे.
मी माझे पीएच.डी पूर्ण केल्याची बातमी शेअर करताना मला सन्मान वाटतो. रसायनशास्त्र मध्ये पदवी. हा दिवस माझ्या शिक्षक, मार्गदर्शक आणि कुटुंबातील सदस्यांबद्दल कृतज्ञता व्यक्त करण्याचा एक प्रसंग आहे कारण त्यांनी माझ्या जीवनावर खूप प्रभाव टाकला आहे. संशोधनाच्या जगात जाणवलेल्या, कल्पना आम्हाला प्रश्न विचारण्यासाठी, उत्तरे शोधण्यासाठी आणि मानवतेला सामूहिक ज्ञान देण्यास प्रेरित करतात. या शैक्षणिक प्रवासात मला मदत करणाऱ्या सर्व व्यक्तींचे आभार..!
-डॉ.प्रमोद चं. रायचुरे
