गुरुवर्य बापूसाहेब झपके तालुकास्तरीय वक्तृत्व स्पर्धेत स्नेहल जानकर प्रथम
सांगोला(प्रतिनिधी):- सांगोला तालुका शिक्षण प्रसारक मंडळाचे संस्थापक अध्यक्ष थोर स्वातंत्र्यसेनानी, देशभक्त, कै.गुरुवर्य बापूसाहेब झपके यांच्या ४३ व्या स्मृतिदिनानिमित्त आयोजित तालुकास्तरीय वक्तृत्व स्पर्धेमध्ये इ.५ ते ७ वी गटामध्ये स्नेहल जानकर उत्कर्ष माध्यमिक विद्यालय, सांगोला हिने प्रथम क्रमांक मिळविला.या यशस्वी विद्यार्थ्यांच्या पारितोषिक वितरण समारंभामध्ये व्यासपीठावर संस्थाध्यक्ष प्रा.प्रबुद्धचंद्र झपके,संस्था सचिव मल्लिकार्जुन घोंगडे,खजिनदार शंकरराव सावंत व स्पर्धेचे उद्घाटक व परीक्षक निखिल बडवे,विक्रम बिस्किटे,सागर विश्वासे, शिवाजी बंडगर,संगिता टकले,सुवर्णा काशीद-पाटील, प्राचार्य अमोल गायकवाड, उपमुख्याध्यापिका शहिदा सय्यद,उपप्राचार्य प्रकाश म्हमाणे, पर्यवेक्षक सुरेश मस्तुद, प्रदीप धुकटे, मच्छिंद्र इंगोले उपस्थित होते.
स्पर्धेच्या सुरुवातीला उद्घाटक निखिल बडवे,परीक्षक विक्रम बिस्किटे, सागर विश्वासे व स्पर्धक विद्यार्थ्यांच्या हस्ते कै. गुरुवर्य बापूसाहेब झपके यांच्या तैलचित्रास पुष्पहार अर्पण करण्यात आला. व नंतर पात्रता फेरी व अंतिम फेरी या स्वरूपात ही स्पर्धा संपन्न झाली.या स्पर्धेमध्ये ५ वी ते ७ गटामध्ये स्नेहल विलास जानकर,उत्कर्ष माध्यमिक विद्यालय,सांगोला प्रथम क्रमांक,अनुराधा बाबासाहेब फाटे श्री.छत्रपती शिवाजी विद्यालय,धायटी द्वितीय क्रमांक,
किशोरी शहाजी बाबर नाझरा विद्यामंदिर प्रशाला व ज्युनिअर कॉलेज नाझरा तृतीय क्रमांक,
संस्कृती संतोष लोंढे सांगोला विद्यामंदिर प्रशाला व ज्युनिअर कॉलेज सांगोला चौथा क्रमांक, वैष्णवी शिवाजी गावकरे. मांजरी हायस्कूल, मांजरी पाचवा क्रमांक (ग्रामीण स्पर्धकासाठी) असे यश संपादन केले.
या यशस्वी विद्यार्थ्यांचा रोख रक्कम, प्रशस्तीपत्रक व झपके कुटुंबियांकडून कै.गुरूवर्य बापूसाहेब झपके सृतीचिन्ह देऊन प्रमुख पाहुणे, कार्यक्रमाचे अध्यक्ष, संस्था पदाधिकारी, परीक्षक यांचे हस्ते सन्मान करण्यात आला.हा निकाल परीक्षक विक्रम बिस्किटे यांनी जाहीर केला.
या कार्यक्रमासाठी स्पर्धक विद्यार्थी,पालक, मार्गदर्शक शिक्षक व विद्यामंदिर परिवारातील शिक्षक शिक्षकेत्तर कर्मचारी विद्यार्थी मोठ्या संख्येने उपस्थित होते. प्राचार्य अमोल गायकवाड यांनी प्रास्ताविकातून तालुक्यातून आलेल्या सर्व चिमुकल्या स्पर्धकांचे कौतुक केले. लहान वयात आपण बोलायला शिकलो की निश्चितपणे पुढे वाचनाच्या माध्यमातून आपण वक्तृत्व स्पर्धेची चांगली तयारी करू शकता असा विश्वास व्यक्त करत सर्व उपस्थितांचे स्वागत केले. परीक्षक सत्कार निवेदन उन्मेष आटपाडीकर यांनी केले.कार्यक्रमाचे सूत्रसंचालन संध्या तेली केले तर आभार प्रदर्शन पर्यवक्षक सुरेश मस्तुद यांनी केले.
—————————–
वक्तृत्व स्पर्धेचे नियोजन, विषय अतिशय छान होते.सर्व विद्यार्थ्यांनी आशयानरूप विषय मांडण्याचा प्रयत्न केला.स्पर्धेच्या युगात टिकण्यासाठी विद्यार्थ्यांनी चांगली व्याख्याने ऐकावे व सराव करावा.या स्पर्धेतील मुलींचा सहभाग विशेष उल्लेखनीय होता.
*उद्घाटक निखिल बडवे*
—————————–
* स्वतःबरोबर इतरांचेही संसार ज्यांनी फुलवले अशा देशभक्त कै. गुरुवर्य बापूसाहेब झपके यांनी ज्या विचारांनी या संस्थेची उभारणी केली तो विचार प्रमाण मानून या संस्थेची आदर्श वाटचाल सुरू आहे. जिल्ह्यातील एक आदर्श संकुल म्हणून या संकुलाकडे पहावे लागते. वक्तृत्व स्पर्धेचे अतिशय उत्कृष्ट नियोजन यासारखे कुठेच पाहायला मिळत नाही. वक्तृत्व स्पर्धेत स्वतःला समर्थपणे सिद्ध करायचे असेल तर दररोज वाचन झाले पाहिजे .
*विक्रम बिस्किटे*
