रोटरी क्लब सांगोला यांच्या वतीने एकल महिलांना मोफत 6 आटा चक्कीचे वाटप
सांगोला :-“रोटरी की आशा” या उपक्रमांतर्गत रोटरी डिस्ट्रिक्ट 3132 च्या वतीने महिलांना स्वावलंबी बनवण्यासाठी २ एचपी क्षमतेची ताशी २५ किलो धान्य मसाला दळता येईल अशी कमर्शियल आटा चक्की देण्यात आली.रोटरी 3132 च्या प्रांतपाल रो. स्वाती हेरकल यांचा हा महत्त्वाकांक्षी प्रकल्प आहे. त्यांनी डिस्ट्रिक्ट ग्रँट मधून 6 आटा चक्की मंजूर केल्या.
रोटरी क्लब सांगोलाने सांगोला तालुक्यातील गरजू महिलांची काळजीपूर्वक निवड करून या योजनेचा लाभ त्यांना मिळवून दिला आहे.1. मनीषा संतोष दिघे वाढेगाव.,2. सविता दिनेश कदम आलेगाव.,3. सुवर्ण भारत भोसले सोनंद.,4. शोभा बाळू चव्हाण राजुरी.,5. वर्षा काकासो जाधव वाटंबरे.,6. कविता संजय गोडसे गोडसेवाडी या महिला स्वतःच्या घरात धान्य व मसाले दळून देण्याचे काम करता येईल. त्यांच्यासाठी व त्यांच्या कुटुंबीयांसाठी ही योजना वरदायीनी ठरणार आहे. मिल्टन कंपनीच्या या स्वयंचलित मशीन आहेत. या मशीन मध्ये फक्त धान्यच नाही तर मसाले पण दळता येणार आहेत. विविध सात जाळ्यांचा संच देखील यासोबत देण्यात आला. संपूर्ण स्टेनलेस स्टीलच्या या मशीनमध्ये जर्मन तंत्रज्ञान वापरले गेले आहे. अगदी घरगुती सिंगल फेजवर सुद्धा या मशीन चालतात. यामध्ये सर्व प्रकारची धान्य, लाल मिरची, हळद व विविध मसाले देखील दळता येतील.
या लाभार्थ्यांना समारंभपूर्वक या अटाचक्कीचे वितरण 15 जून 24 रोजी सांगोला रोटरी परिवारा मार्फत करण्यात आले. हा कार्यक्रम सांगोला येथे न घेता रोटरी क्लब सांगोल्याने या महिलांना कोणत्याही प्रकारचा त्रास होऊ नये. यासाठी या आटा चक्की त्यांच्या घरी पोहोच केल्या व त्यांच्या घरीच कार्यक्रम केला.
हा कार्यक्रम त्यांच्या घरी करण्याचा उद्देश असा होता की, फक्त आटा चक्की देऊन या महिलांना रोजगार उपलब्ध होणार नाही तर त्या गावात, त्या गल्लीत राहणाऱ्या सर्व शेजारी महिलांना प्रबोधन करून आपल्यातील या महिलेस मदत व्हावी या भूमिकेतून आपण सर्वांनी आपले दळप यांच्याच गिरणीतून दळून न्यावे अशी विनंती रोटरी क्लबच्या वतीने करण्यात आली.
अशाप्रकारे पूर्ण विचार करून या कार्यक्रमाचे नियोजन करण्यात रोटरी क्लबच्या सर्व सदस्यांचे सहकार्य लाभले. आजच्या या कार्यक्रमासाठी अध्यक्ष डॉक्टर साजिकराव पाटील रो. मोहन मस्के सर रो. शरणप्पा हळळीसागर रो. विकास देशपांडे रो. हमीद भाई शेख रो.मधुकर कांबळे रो. अशोक गोडसे रो. गुलाबराव पाटील इत्यादी रोटरी सदस्यांनी सर्व ठिकाणी कार्यक्रमाचे नियोजनात सहभाग घेतला तसेच इतर सदस्यांनी सुद्धा नियोजनासाठी व लाभार्थी निवडण्यासाठी चांगली मदत केली व खरोखरच गरजू महिलांना मदत व्हावी याबद्दल योग्य ती काळजी घेतली. या स्तुत्य उपक्रमामुळे रोटरी क्लब सांगोलाचे समाजातील सर्व स्तरातून कौतुक होत आहे.
