मुळात सांगोला तालुका हा दुष्काळ ग्रस्त तालुका म्हणुन ओळखला जातो. वृक्षारोपण चळवळ जोम धरू लागली आहे. झाडांचे वृक्षारोपण करून ती झाडे संवर्धन करण्यासाठी विशेष प्रयत्न केले जाणार आहेत. माण नदीकाठावर वसलेल्या वासूद -अकोला गावात वृक्षारोपणाचा हा सोहळा उत्साही वातावरणात संपन्न झाला.ग्रामस्थांच्या विशेष सहकार्याने वृक्षांची लागवड करून संगोपन करण्याची शपथ घेतली.      माण नदीचे पूजन करून सदर वृक्षारोपनास सुरूवात झाली.या उपक्रमाचे सर्वत्र कौतुक केले जात आहे. या उपक्रमाने इतर ही गावात वृक्षारोपणाची चळवळ वाढीस लागावी हा आशावाद ग्रामस्थांनी व्यक्त केला.

वृक्ष दिंडी वृक्ष माझा श्वास l वृक्ष माझा प्राण l आन बान शान l वृक्षांसाठी ll वृक्षांचा सांगावा l प्रेमाचा विसावा ll आनंदाचा ठेवा l … या वचनाप्रमाणे  वासुद ग्रामपंचायतीने तीन दिवसात ३२२ वृक्ष लावले.सदर कार्यक्रमात  सरपंच – उपसरपंच , सदस्य , उद्योजक , आजी -माजी सैनिक , वृक्षप्रेमी ,शासकिय अधिकारी ,शिक्षक ,महिला वर्ग सर्व ग्रामस्थ मोठया संख्येने उपस्थित होते.