कटफळ नजीक भीषण अपघात; पाच महिलांना चिरडले

सांगोला तालुक्यात दिघंची -महूद रॊड वरील कटफळ (बंडगरवाडी स्टॉप ) नजीक  एक भीषण अपघात घडला असून  पंढरपूर-कराड मार्गावर भरधाव ट्रकने पाच महिलांना चिरडल्याचा प्रकार समोर आला आहे. शेतातील कामे आटोपून घरी माघारी जात असताना हा अपघात झाला. घटनास्थळी बघ्यांची गर्दी झाली आहे.

यामध्ये मृत्यू झालेल्या सर्व महिला सांगोला तालुक्यातील कटफळ गावच्या आहेत. पाच महिलाचा मृत्यू तर दोन महिला गंभीर जखमी असल्याची प्राथमिक माहिती समोर येत आहे.

इंदुबाई  इरकर (वय ५०), भिमाबाई  जाधव (वय ४५), कमल  बंडगर (वय ४०), सुलोचना भोसले (वय ४५), अश्विनी  सोनार (वय १३) जागीच ठार झाल्या. तर मनीषा  पंडित (वय २५), मिनाबाई  बंडगर (वय ५०) या दोघी गंभीर जखमी झाल्या आहेत. त्यांच्यावर पंढरपूर येथील खासगी रुग्णालयात उपचार सुरू आहेत.

(बातमी अपडेट होत आहे.)