महिला व मुलींच्या साठी हे प्रशिक्षण देण्यात आले. या प्रशिक्षणात 70 महिलांनी सहभाग नोंदवला होता. प्रशिक्षिका ताई श्रीराम यांनी हे प्रशिक्षण दिले. त्यांनी अगदी सोप्या पद्धतीने सर्वांना समजेल असे मार्गदर्शन केले. यामध्ये 20 प्रकारचे गोंडे लावण्यात शिकवले व सहभागी महिलांच्या कडून ते करून घेतले.महिलांनी आर्थिकदृष्ट्या सक्षम होऊन स्वतःचा व्यवसाय त्यातून सुरू करावा. हा या प्रशिक्षणाचा हेतू होता. अशी माहिती महिला मंचाच्या अध्यक्षा सौ लता कांबळे. यांनी दिली.सांगोल्या तालुक्यातील वेगवेगळ्या गावातून महिला या प्रशिक्षणात सहभागी झाल्या होत्या.

या कार्यक्रमाचे सूत्रसंचालन सौ मीनाक्षी कांबळे यांनी केले. प्रशिक्षका ताई श्रीराम यांचे स्वागत मंचाचे अध्यक्ष सौ लता कांबळे यांनी केले. तसेच कार्यक्रम चांगल्या पद्धतीने पार पाडण्यासाठी उपाध्यक्ष सौ स्नेहा कुमठेकर तसेच सर्व मंचाच्या पदाधिकारी व संचालिका यांनी मोलाचे सहकार्य केले. इनर व्हील क्लब अध्यक्षा सौ स्वाती अंकलगी यांनी प्रशिक्षिका ताई श्रीराम यांना श्रीफळ देऊन त्यांचा सत्कार केला. तसेच इनरव्हील क्लब सदस्य या कार्यक्रमात  उपस्थित होते. कार्यक्रमाची सांगता आभार प्रदर्शनाने सौ रेवती कांबळे यांनी केली.