पाणी पिण्याचे कारण सांगत 1 लाख 32 हजाराचे पळविले दागिने

सांगोला(प्रतिनिधी):-अपंग व्यक्तीस पाणी पिण्याचे कारण सांगत उघड्या घरामध्ये प्रवेश करून चोरट्याने 1 लाख 32 हजाराचे दागिने लंपास केले ही घटना 3 जुलै दुपारी 2 ते रोजी सायं. 5 वा.च्या दरम्यान किडेबिसरी, ता.सांगोला येथे घडली असून अनोळखी व्यक्ती विरुद्ध पोलिसात गुन्हा दाखल झाला आहे.

याबाबत अधिक माहिती अशी की फिर्यादी वसंत कोळेकर यांचे वडील निवृत्ती कोळेकर हे अपंग व लकवा मारलेले असल्याने त्यांना जागेवरून हलता येत नाही.दि.3 जुलै रोजी दुपारी 2 ते सायं. 5 च्या दरम्यान ते घराच्या बाहेर बसले होते.यावेळी एक अनोळखी व्यक्ती याने वडीलांना पाणी पिण्याचे सांगुन उघड्या घरात प्रवेश केला.यावेळी त्याने घरात असलेल्या कपाटातील 90 हजाराचे 3 तोळ्याचे सोन्याचे साखळीतील गंठण, 12 हजार रू 4 ग्रॅम वजनाचे सोन्याची टिक,6 हजार रू 2 ग्राम वजनाचे कानातील टॉप्स, 15 हजार रुपये किमतीचे 5 ग्रॅम वजनाचे कानातील वेल, 6 हजार रु.किमतीचे 2 ग्रॅम वजनाची सोन्याची साखळी व 3 ग्रॅम वजनाचे सोन्याचे बदाम असा एकूण 1 लाख 32 हजार रुपये किमतीचा मुद्देमाल चोरून नेला.

याबाबत वसंत निवृत्ती कोळेकर यांनी पोलिसात अनोळखी व्यक्ती विरुद्ध पोलिसात गुन्हा दाखल केला असून पुढील तपास पो.हे.काँ भरमशेट्टी करीत आहेत.