सांगोल्यातील मजुराच्या मुलाचे चार्टर्ड अकाऊटंट (सीए) परीक्षेत दैदिप्यमान यश
सांगोला(प्रतिनिधी):-नुकत्याच पार पडलेल्या चार्टर्ड अकाऊटंट परीक्षा 2024 मध्ये सांगोला येथील मनेरी गल्ली येथील रहिवाशी एक मार्केट यार्डामध्ये मजूर म्हणून काम करणारे जीलानी मणेरी यांचे चिरंजीव रैयान मणेरी यांनी अतिशय हलाखीच्या परिस्थितीत सीए परीक्षेत घवघवीत यश संपादन केले.
2018 साली रैयान मणेरी यांनी सीए. जुबेर मुजावर व सहारा एज्युकेशन अँड सोशल फाऊंडेशन यांच्या मार्गदर्शनाखाली पुणे येथे सीए चे शिक्षण सुरू केले. अत्यंत हालाखीची परिस्थिती असून न खचता 2024 साली मे महिन्यामध्ये सीए परीक्षा उत्तीर्ण झाले.
वडील जिलानी मनेरी यांचे कष्ट आणि शिवणकाम करणारी आईचे कष्ट आणि आशीर्वाद आणि मित्रमंडळीचा सपोर्ट यांच्या जोरावर रैयान ने अतिशय अवघड अशी परीक्षा सर केली. सीए परीक्षेत घवघवीत यश संपादन केल्याबद्दल रैयान मणेरी याचेवर कौतुकाचा वर्षाव होत आहे.
