माणगंगा परिवार बँकेच्या सांगोला तालुक्यात सात शाखांना मिळाली परवानगी

सांगोला (तालुका प्रतिनिधी): अल्पावधीत ग्राहकांच्या विश्वासात पात्र ठरलेल्या माणगंगा परिवार अर्बन को. ऑप क्रेडिट सोसायटी लि.सांगोला या बँकेच्या सांगोला तालुक्यातील वाकी (शिवणे), महूद, कोळा, नाझरे, घेरडी, कडलास, हातीद या गावांमध्ये सात शाखा उघडण्यास परवानगी मिळाली आहे. लवकरच या सात शाखा सुरू करून ग्राहकांना सोयीसुविधा उपलब्ध करण्यात येणार असल्याची माहिती माणगंगा परिवाराचे संस्थापक अध्यक्ष नितीन (आबासाहेब) इंगोले यांनी दिली.

सांगोला आणि मंगळवेढा तालुक्यात  माणगंगा परिवार अर्बन को. ऑप क्रेडिट सोसायटी लि.सांगोला या बँकेने ग्राहकांचा विश्वास सार्थ ठरवून अल्पावधीतच गरुडझेप घेतली आहे. माणगंगा परिवार बँकेने ग्राहकांना आधुनिक तंत्रज्ञानाचे सर्व पर्याय खुले केले आहेत. बँकिंग क्षेत्रातील तंत्रज्ञानाचा होणारा विस्तार लक्षात घेवून आपल्या ग्राहकांना तंत्रज्ञानाच्या आधारे सेवा देण्यावर अधिक भर राहिला आहे. त्यादृष्टीने संस्था सातत्याने अत्याधुनिक तंत्रज्ञानाचा स्वीकार करीत आहे. संस्थेने दोन वर्षाच्या वाटचालीत अनेक नवनवीन संकल्प पूर्ण केले ध्येय गाठली आणि सभासदांच्या, ग्राहकांच्या व खातेदारांच्या मनामध्ये स्वतःचं एक अढळ स्थान निर्माण केलं आहे. संस्थेने तत्पर ग्राहक सेवा आणि त्याला आधुनिक तंत्रज्ञानाची जोड देवून नवीन ग्राहक आकर्षित करणे, व्यवसायिकता आणि नफाक्षमता, सक्षम आणि उत्तम सूक्ष्म व्यवस्थापनामुळे आपली संस्था जनमानसात परिचित झाली आहे.

        अल्पावधीत ग्राहकांच्या विश्वासात पात्र ठरलेल्या माणगंगा परिवार अर्बन को. ऑप क्रेडिट सोसायटी लि.सांगोला या बँकेच्या सांगोला तालुक्यातील वाकी (शिवणे), महूद, कोळा, नाझरे, घेरडी, कडलास, हातीद या गावांमध्ये सात शाखा उघडण्यास परवानगी मिळाली आहे. लवकरच या सात शाखा सुरू करून ग्राहकांना सोयीसुविधा उपलब्ध करण्यात येणार आहेत. तसेच सुशिक्षित बेरोजगार तरुणांना उद्योगासाठी कर्जपुरवठा उपलब्ध करून उद्योजक तयार करण्यास प्राधान्य देण्यात येत असल्याची माहिती माणगंगा परिवाराचे संस्थापक अध्यक्ष नितीन (आबासाहेब) इंगोले यांनी दिली.