सांगोला – इन्व्हर्टर बॅटरीचा हातास विजेचा शॉक लागून औषध विक्रेत्या तरुणाचा गंभीर जखमी होऊन उपचारापूर्वीच मृत्यू झाल्याची घटना सोमवार दि. १९ ऑगस्ट रोजी रात्री साडेनऊ वाजण्याच्या सुमारास महात्मा फुले चौक येथील औषध दुकानात झाला आहे.
सुधीर अरविंद येलपले वय ३५ रा. म. फुले चौक सांगोला असे मरण पावलेल्या तरुणाचे नाव आहे. सुधीर येलपले याच्या आकस्मित अपघाती निधनामुळे सर्वत्र शोक व्यक्त केला जात आहे.
सुधीर येलपले यांचे महात्मा फुले चौक येथे औषध दुकान आहे सोमवार दि. १९ रोजी सांगोला शहर परिसरात मुसळधार पाऊस सुरू होता त्यात रात्री साडेआठ वाजण्याच्या सुमारास पावसाने वीजही गेली होती दरम्यान सुधीर येलपले हे सोमवार दि. १९ रोजी रात्री साडेनऊ वाजण्याच्या सुमारास दुकानातील इन्व्हर्टर बॅटरी काढत असताना अचानक हाताच्या बोटास वीजेचा शॉक लागल्याने त्यांचा उपचारापूर्वीच मृत्यू झाल्याची घटना घडली आहे याबाबत अनिल भिमराव शेळके रा. वाकि शिवंणे यांनी पोलिसांत खबर दिली आहे.
