मुख्यमंत्र्यांकडून सांगोला नगरपरिषदेच्या 5 विकास कामांना 3 कोटी रुपयांचा निधी मंजूर :आमदार शहाजीबापू पाटील
सांगोला( प्रतिनिधी) : सांगोला विधानसभा मतदारसंघाच्या सर्वांगीण विकासासाठी आमदार शहाजीबापू पाटील यांच्या सातत्यपूर्ण प्रयत्नातून मुख्यमंत्री एकनाथ शिंदे यांच्याकडून सांगोला नगरपरिषदेच्या 5 विकास कामांसाठी 3 कोटी रुपये निधी मंजूर करण्यात आला आहे .यामध्ये सांगोला नगरपरिषदेच्या नूतन प्रशासकीय इमारतीचे फर्निचर व अंतर्गत कामासाठी 1 कोटी रुपये व तालुक्यातील ब्राह्मण, जैन ,महाराणा प्रताप राजपूत गिसाडी समाज व दिव्यांग बांधवांसाठी सभागृह बांधकामासाठी प्रत्येकी 50 लाख रुपये मंजूर करण्यात आला आहे. अशी माहिती सांगोला तालुक्याचे लोकप्रिय आमदार शहाजीबापू पाटील यांनी दिली आहे.
सांगोला नगरपरिषदेच्या नवीन प्रशासकीय इमारतीचे फर्निचर व अंतर्गत कामाकरिता 1 कोटी रुपये, जैन समाजासाठी नगरपालिका जागेमध्ये त्यागी निवास व सामाज मंदिर बांधकामासाठी 50 लाख रुपये, दिव्यांग बांधवांसाठी नगरपालिका जागेमध्ये सभागृह बांधकामासाठी 50 लाख रुपये, ब्राम्हण समाजासाठी नगरपालिका जागेमध्ये वाचनालय व सभागृह बांधकामासाठी 50 लाख रुपये, महाराणाप्रताप राजपुत गिसाडी समाजासाठी नगरपालिका जागेमध्ये समाजमंदिर बांधकामासाठी 50 लाख रुपये असा एकूण 3 कोटी रुपये निधी मुख्यमंत्री एकनाथ शिंदे यांनी निधी दिला असून आमदार शहाजीबापू पाटील यांच्या मागणी व पाठपुराव्याला मोठे यश मिळाल्याने समाज बांधवांकडून मुख्यमंत्री एकनाथ शिंदे यांच्या महायुती सरकारचे व आमदार शहाजीबापू पाटील यांचे आभार मानण्यात येत आहेत.
