सांगोला:- आगामी विधानसभा निवडणूक २०२४ ही शांततेत, भयमुक्त वातावरणात पार पाडण्यासाठी व निवडणुक कार्यकाळात गुन्हे करणाऱ्या गुन्हे गारांचा बंदोबस्त करण्यासाठी सोलापूर ग्रामीण पोलीस व सांगली जिल्हा पोलीस यांची संयुक्त बैठक शुक्रवार दिनांक १८/१०/२०२४ रोजी १२:०० वा. ते १५:०० वाजता सिंहगड इन्स्टीटयुट, कमलापूर येथे पार पडली.
सदर बैठकीमध्ये सोलापूर व सांगली सीमाभागातील सराईत गुन्हेगार, पाहिजे व फरारी असलेले आरोपी यांना अटक करणे. अवैध व्यवसाय करणारे आरोपी दारु, गांजाची वाहतुक करणारे आरोपी व विक्री करणारे आरोपी यांच्यावर कारवाई करणे. तसेच पोलीस ठाणे हद्दीतील सराईत आरोपी, गुंड प्रवृत्तीच्या इसमांवर प्रतिबंधात्मक कारवाई करण्याच्या सुचना देण्यात आले. सर्वांना सतर्क राहण्याच्या सुचना देण्यात आल्या. तसेच निवडणुक भयमुक्त वातावरणात पार पाडण्यासाठी पोलीस व जनता यांच्यातील समन्वय वाढवून कम्युनीटी पोलीसींग वर भर देण्याबाबत सुचना देण्यात आल्या आहेत.
सदरची मिटींग पोलीस अधीक्षक सोलापूर ग्रामीण श्री. अतुल कुलकर्णी,अपर पोलीस अधीक्षक सोलापूर ग्रामीण श्री. प्रितम यावलकर यांच्या मार्गदर्शनाखाली पार पडली. मिटींग करीता उपविपोअ मंगळवेढा श्री. विक्रांत गायकवाड,उपविपोअ जत श्री. सुनिल साळुंखे,उपविपोअ विटा श्री. विपुल पाटील, मंगळवेढा पोनि श्री. महेश ढवाण,कवठे महंकाळ पोनि श्री. ज्योतीराम पाटील, जत पोनि श्री. बिजली, उमदी सपोनि श्री. संदीप कांबळे, आटपाडी सपोनि श्री. रमेश जाधव,सांगोला सपोनि श्री. सचिन जगताप ,सांगोला पोउपनि श्री. विनायक माहुरकर हे उपस्तीथ होते.
