नाझरे (प्रतिनिधी):-नाझरे ता सांगोला येथे वीरभद्र जयंती निमित्त शुक्रवार दि.18 नोव्हेंबर ते गुरुवार दि.24 नोव्हेंबर अखेर परमरहस्य ग्रंथाचे पारायण व ष ब्र 108 श्री गुरु महादया रविशंकर शिवाचार्य महाराज राय पाटणकर यांचे प्रवचन यासह इतर विविध धार्मिक कार्यक्रमाचे आयोजन करण्यात आले आहे.
दि 18 नोव्हेंबर ते 23 नोव्हेंबर अखेर दररोज पहाटे 5 ते 6 श्री रुद्राभिषेक सकाळी 9 वाजता पंचाचार्य ध्वजारोहण व सकाळी 9.30 ते 11.30 वाजेपर्यंत परम रहस्य ग्रंथाची पारायण तसेच दुपारी 4 ते 5 यावेळेत वीरशैव व रंगनाथ भजनी मंडळाचा कार्यक्रम आयोजीत करण्यात आला आहे. त्याचप्रमाणे सायं. 6 ते 7 शिवपाठ व सायंकाळी 7.30 ते 8.30 महादय्या श्री. रविशंकर शिवाचार्य महाराज यांचे प्रवचन व महाआरती व महाप्रसाद वाटप करण्यात येणार आहेत. त्याचप्रमाणे बुधवार दि.23 नोव्हेंबर रोजी सायंकाळी 7 ते 7.30 वाजेपर्यंत गुरुनिर्वाण रुद्र पशुपती कोळेकर महाराज यांचे प्रवचन होईल
गुरुवार 24 नोव्हेंबर रोजी सकाळी 6:30 ते 6:45 पर्यंत श्री गुरु महादय्या रविशंकर यांचे आर्शिवचन 6 वाजून 52 मिनिटांनी श्री ची फुले पडतील. त्यानंतर महाआरती व महाप्रसाद वाटप करण्यात येणार असून श्रींची मिरवणूक नाझरे गावातून महास्वामींच्या समवेत निघणार आहे. तरी भाविक भक्तांनी याचा लाभ घ्यावा असे आवाहन समस्त वीरशैव समाज नाझरे, वझरे, कारंडेवाडी यांनी केले आहे.
