ग्रामीण रुग्णालय सांगोला यांच्यावतीने पत्रकार बांधवांची मोफत आरोग्य तपासणी

सांगोला(प्रतिनिधी):- ग्रामीण रुग्णालय सांगोला यांच्यावतीने सांगोला तालुक्यातील पत्रकार बांधवांच्या आरोग्याची तपासणी बुधवार दि.19 जानेवारी रोजी सकाळी करण्यात आली.
आजच्या धकाधकीच्या जीवनात पत्रकारांवरील जबाबदारी वाढली आहे. त्यामुळे त्यांच्यावर येणारा मानसिक व शारीरिक ताण पाहता पत्रकारांनी आपल्या आरोग्याची काळजी घेणे अत्यंत महत्त्वाचे आहे. त्यामुळे सांगोला ग्रामीण रुग्णांलयाकडून सांगोला तालुक्यातील पत्रकार बांधवासाठी मोफत आरोग्य तपासणी शिबीर आयोजीत करण्यात आले होते.

यावेळी डॉ.अरविंद गिराम, डॉ.उत्तम फुले, वैद्यकीय अधिकारी निशिकांत पापरकर, विवेक देसाई, अरुण कोळी, नागेश दोशेट्टी, मोहन घाडगे , प्रविण ननवरे, केतन हिरेमठ, श्रीम.आगलावे सिस्टर, श्रीम.खंडागळे, श्रीम.यादव, श्रीम.आलदर, श्रीम.दंडवते यांच्यासह महाराष्ट्र राज्य मराठी पत्रकार संघाचे तालुका अध्यक्ष दत्तात्रय खंडागळे, अशोक बनसोडे, मनोज उकळे, राजेंद्र यादव, संजय बाबर, किशोर म्हमाणे, हमीद बागवान उपस्थित होते. पत्रकारांच्या आरोग्य तपासणी करण्यासाठी मेहनत घेतलेल्या ग्रामीण रुग्णालयातील सर्व अधिकारी-कर्मचार्‍यांचे अध्यक्ष दत्तात्रय खंडागळे यांनी आभार मानले.