सांगोला इनरव्हील क्लबकडून अंबिकादेवी यात्रेत व्यसनमुक्तीविषयी जनजागृती
सांगोला(प्रतिनिधी);- दिनांक 31 जानेवारी 2023 रोजी रथसप्तमी निमित्त सांगोला येथील यात्रेमध्ये व्यसनमुक्ती वर जनजागृती विषयक कार्यक्रम घेण्यात आला.उद्घाटन सांगोला पोलीस स्टेशनचे सहाय्यक पोलीस निरीक्षक श्री प्रशांत हुल्ले यांचे हस्ते करण्यात आले. यावेळी श्री सहाय्यक पो.फौ. श्री कल्याण ढवणे व पो.कॉ. श्री गणेश कुलकर्णी उपस्थित होते.
दारू, गुटखा, तंबाखू, सिगारेट याविषयी जनजागृती विषयक फोटो व स्लोगन असलेली जाहिरात तयार करून यात्रेमध्ये वाटप करण्यात आले. सध्याची पिढी मोबाईलच्या आहारी गेली असून त्याचे काय दुष्परिणाम त्यांच्या जीवनात होत आहेत याबाबतचे स्लोगन, जाहिरात सहित देण्यात आले.
सदर कार्यक्रमाचे कौतुक श्री प्रशांत हुल्ले, सहा. पो.फौ. कल्याण धावणे व पो.कॉ श्री गणेश कुलकर्णी े यांनी केले. क्लब अध्यक्ष उमा उंटवाले यांनी प्रमुख पाहुण्यांना सदर कार्यक्रमाबाबत सविस्तर माहिती दिली. त्याचप्रमाणे इनरव्हील क्लब विषयी माहिती देण्यात आली.
सदर कार्यक्रमासाठी क्लब अध्यक्ष उमा उंटवाले, ट्रेझरर वर्षा बलाक्षे, आय एस ओ अश्विनी कांबळे ,त्याचप्रमाणे पास्ट प्रेसिडेंट मंगल लाटणे ,कळसे मॅडम, माधुरी गुळमिरे, स्मिता देशमुख, सदस्या रेखा घोंगडे , कविता दिवटे, स्वाती ठोंबरे इत्यादी सदस्या उपस्थित होते.
