फॅबटेक कॉलेज ऑफ फार्मसी, सांगोला येथे बी. फार्मसी व डी. फार्मसी अभ्यासक्रमाच्या केंद्रीय प्रवेश प्रक्रियेसाठी स्क्रूटिनी सेंटर म्हणून महाराष्ट्र शासनाकडून मंजुरी मिळाली आहे.
शैक्षणिक वर्ष २०२४-२५ करिता बारावी शास्त्र उत्तीर्ण विद्यार्थ्यांसाठी बी. फार्मसी व डी. फार्मसी प्रवेश बाबत मोफत मार्गदर्शन केंद्र व ऑनलाईन प्रवेश प्रक्रिया सुरु करण्यात आले आहे. बारावी शास्त्र उत्तीर्ण विद्यार्थ्यांचे बी. फार्मसी प्रवेशकरिता ऑनलाईन अर्ज ७ ऑगस्ट ते १४ ऑगस्ट दरम्यान स्वीकारले जाणार आहेत, तसेच डी. फार्मसी प्रवेशाकरिता ऑनलाईन अर्ज ८ ऑगस्ट ते २८ ऑगस्ट दरम्यान स्वीकारले जाणार आहेत.
विद्यार्थ्यांनी ऑनलाईन अर्ज रजिस्ट्रेशन करण्यासाठी संकेतस्थळाचा वापर करायचा आहे. फॅबटेक कॉलेज ऑफ फार्मसी या स्क्रूटिनी सेंटरमध्ये विद्यार्थ्यांचे ऑनलाईन रजिस्ट्रेशन व मूळ कागदपत्रे पडताळणी, अर्ज निश्चिती होणार आहे.. तरी सर्व विद्यार्थी व पालकांनी याचा लाभ घ्यावा असे आवाहन संस्थेचे संस्थापक अध्यक्ष मा. भाऊसाहेब रुपनर व प्राचार्य डॉ. संजय बैस व डी. फार्मसी अभ्यासक्रमाचे एचओडी प्रा. अश्विनी झाडे यांनी केले आहे.
