*फॅबटेक इंजिनिअरींग व इव्हॉल्व्हिंग एक्स सर्व्हिसेस (ओ.पी.सी.) प्रा लि. मध्ये सामंजस्य करार*
सांगोला : येथील फॅबटेक टेक्नीकल कॅम्पस, कॉलेज ऑफ इंजिनिअरींग अँड रिसर्च व इव्हॉल्व्हिंग एक्स सर्व्हिसेस (ओपीसी) प्रा. लि. यांच्या मध्ये सामंजस्य करार करण्यात आला असल्याची माहिती महाविद्यालयाचे प्राचार्य डॉ.रविंद्र शेंडगे यांनी दिली.
विद्यार्थ्यांना कौशल्य विकास कार्यक्रम इन्स्टिट्यूशनच्या विद्यार्थ्यांना रोजगारक्षमता कौशल्ये,उद्योजकता यावर प्रशिक्षण देण्यासाठी व उदयोन्मुख तंत्रज्ञान, जीवन कौशल्ये, कौशल्यांमधील अंतर भरून काढण्यासाठी आणि त्यांना उद्योगासाठी तयार करण्यासाठी आणि सॉफ्ट-कौशल्यसाठी त्याबरोबरच विद्यार्थ्यांना इंटर्नशिप आणि प्लेसमेंट सपोर्टकरिता ए.आय.सी.टी.ई इंटर्नशिप धोरणानुसार आवश्यक असल्यास, इव्हॉल्विंग एक्स इन्स्टिट्यूशन विद्यार्थ्यांच्या इंटर्नशिपसाठी मदत करणार आहे तसेच फॅकल्टी डेव्हलपमेंट प्रोग्राम्स, गेस्ट लेक्चर ,संशोधन आणि विकास विद्यार्थ्यांना संशोधनाच्या क्षेत्रातील प्राध्यापक उपलब्ध होऊन त्यांचे कार्य आणि कल्पना प्रत्यक्षात उतरविण्यासाठी, इतर संशोधन गटांमध्ये नवीन तंत्रे आणि दृष्टिकोन शिकण्यासाठी, त्यांच्या निवडीच्या इतर सहभागी संस्थांना भेट देऊन त्यांना संशोधन निधी प्रदान करणे तसेच सहयोगी चर्चा, नवकल्पना, त्यांचा संशोधन दृष्टीकोन आणि करिअरच्या नवनवीन संधी उपलब्ध व्हाव्यात हा हेतु या सामंजस्य कराराचा असल्याची माहिती ट्रेनिंग अँड प्लेसमेंट विभागाचे प्रमुख प्रा. धनंजय शिवपूजे यांनी सांगितले.
इव्हॉल्व्हिंग एक्स सर्व्हिसेस (ओपीसी) प्रा लि. हा सामंजस्य करार फॅबटेकचे चेअरमन मा.श्री.भाऊसाहेब रुपनर, मॅनेजिंग डायरेक्टर डॉ.अमित रुपनर, कार्यकारी संचालक मा.श्री.दिनेश रूपनर यांच्या मार्गदर्शनाने व इव्हॉल्व्हिंग एक्स सर्व्हिसेस (ओपीसी) प्रा.लि.चे संचालक श्री.अमोल पुरंदर नितवे व कॅम्पस डायरेक्टर डॉ .संजय अदाटे, प्राचार्य डॉ. रविंद्र शेंडगे, ट्रेनिंग अॅण्ड प्लेसमेंट विभागाचे प्रमुख प्रा. धनंजय शिवपूजे , कॉम्प्युटर विभागाचे विभाग प्रमुख डॉ. तानाजी धायगुडे , कॉम्पुटर सायन्स विभागचे ट्रेनिंग अँड प्लेसमेंट समन्वयक प्रा.अतिश जाधव आदी या सामंजस्य करारा दरम्यान उपस्थित होते.
