*कोटा पॅटर्नची १० मे पासून सांगोला विद्यामंदिरमध्ये सुरूवात*; सांगोला विद्यामंदिरमध्ये जागरूक पालक व विद्यार्थी मेळावा संपन्न

सांगोला (प्रतिनिधी) सांगोला व सांगोला परिसरामध्ये माध्यमिक शिक्षणाची सोय व्हावी व विद्यार्थ्यांना गुणात्मक व रचनात्मक शिक्षण मिळावे या उदात्त हेतूने कै.गुरूवर्य चं.वि.तथा बापूसाहेब झपके यांनी १९५२ मध्ये विद्यामंदिरची स्थापना केली. स्थापनेपासून विद्यामंदिर गुणवत्तेत अग्रेसर आहे. सद्यस्थितीला बारावीनंतर घेतल्या जाणाऱ्या स्पर्धा परीक्षेमध्ये आपल्या परिसरातील विद्यार्थ्यांना यश मिळावे हा हेतू ठेवून सांगोला तालुका शिक्षण प्रसारक मंडळ सांगोला संचलित सांगोला विद्यामंदिर प्रशाला व ज्युनिअर कॉलेज सांगोला व मेरीट होम ,पुणे यांच्या संयुक्त विद्यमाने इयत्ता अकरावी व बारावी करिता IIT-JEEE ,NEET & MHT-CET व इयत्ता नववी दहावीसाठी फाउंडेशन कोर्स ( कोटा पॅटर्न ) शुक्रवार दिनांक १० मे २०२४ पासून नियमित सुरुवात होत आहेत त्या संदर्भाने सांगोला विद्यामंदिर सांगोला येथे जागरूक पालक व विद्यार्थी मेळावा संपन्न झाला.

यावेळी व्यासपीठावर यावेळी सां.ता.शि.प्र.मंडळ संस्थाध्यक्ष प्रा.प्रबुद्धचंद्र झपके,सचिव म.शं.घोंगडे, मेरीट होमचे राजन भरणे,सांगोला विद्यामंदिर प्राचार्य गंगाधर घोंगडे, कोळा विद्यामंदिर प्राचार्य लांडगे,नाझरा विद्यामंदिर प्राचार्य अमोल गायकवाड, सांगोला विद्यामंदिर उपमुख्याध्यापक लक्ष्मण विधाते, उपप्राचार्य शहिदा सय्यद, पर्यवेक्षक अजय बारबोले, पोपट केदार उपस्थित होते.
कार्यक्रमाची सुरुवात संस्थापक अध्यक्ष गुरुवर्य चं.वि.तथा बापूसाहेब झपके यांच्या तैलचित्रास पुष्पहार अर्पण करून झाली.व सदर मेळाव्यामध्ये सकाळ सत्रात इ.९ वी १० वी व दुपार सत्रात ११ वी १२ वीचे विद्यार्थी व पालकांना मेरीट होमचे राजन भरणे यांनी ग्रामीण भागातील विद्यार्थ्यांना IIT/MBBS साठी निवड होण्यासाठी फाउंडेशन महत्त्व,अनुभवी आयआयटी एमबीबीएस, एमडी झालेले अध्यापकांचे निवासी राहून होणारे अध्यापन व सराव टेस्ट,नोट्स याप्रमाणे कोर्सची संपूर्ण माहिती दिली.

यावेळी सांगोला विद्यामंदिरचे प्राचार्य गंगाधर घोंगडे, सहशिक्षक शिवाजी चौगुले सर यांनी मार्गदर्शन केले व पालक म्हणून नारायण माळी व बाबासाहेब इंगोले यांनी विचार केले.
या कार्यक्रमासाठी शिक्षक शिक्षकेत्तर कर्मचारी मोठ्या संख्येने उपस्थित होते. सूत्रसंचालन व प्रस्ताविक प्रा.महेश कोरे यांनी केले तर आभार प्रदर्शन उपप्राचार्य शहिदा सय्यद यांनी मानले.

ग्रामीण आणि शहरी शिक्षणाच्या बाबतीत विचार केल्यास आज ग्रामीण भागातील मुलांमध्ये खूप गुणवत्ता दिसून येते.त्यांना योग्य मार्गदर्शन मिळाल्यास निश्चितपणे यशोशिखर सर करतील.यासाठीच सांगोला विद्यामंदिर व मेरीट होमच्या संयुक्त विद्यमाने ही संधी उपलब्ध करून देण्याचा आमचा मानस आहे.तरी सांगोला शहर व परिसरातील विद्यार्थ्यांनी या संधीचा लाभ घ्यावा.
*प्रा.प्रबुद्धचंद्र झपके*
अध्यक्ष,सां.ता.शि.प्र.मंडळ, सांगोला