कटफळ येथे चारचाकी वाहनांच्या धडकेत वयोवृध्द इसमाचा मृत्यू

सांगोला(प्रतिनिधी):-रस्त्याचे परिस्थितीकडे दुर्लक्ष करून भरधाव वेगात चारचाकी चालवुन जोराची धडक दिल्याने वयोवृध्द इसमाचा अपघातात मृत्यू झाला असल्याची घटना कटफळ ता सांगोला येथे दि. 24 मे 2024 रोजी रात्री 9.40 वाजण्याच्या सुमारास घडली. अपघातामध्ये हणमंत खरात (वय-70, रा.कटफळ ता सांगोला) यांचा दुदैवी अंत झाला.अपघाताची फिर्याद नेताजी खरात (रा.कटफळ ता सागोला) यांनी दिली आहे.

याबाबत सांगोला पोलीसांकडून मिळालेली अधिक माहिती, दि. 24 मे रोजी फिर्यादी यांना बाबु केंगार यांनी फोन करुन वडील हणमंत यांचा अपघात झाला असल्याचे सांगितले.त्यावेळी लगेचच फिर्यादी व पुतन्या दादा खरात हे असे अपघात झालेल्या ठिकाणी गेले होते. त्यावेळी तेथे गावातील लोक जमलेले होते.त्याठिकाणी पाहिले असता गाडीने धडक दिल्याने फिर्यादी यांचे वडील हणमंत हे रस्त्याचे कडेला जखमी अवस्थेत पडलेले होते. त्यावेळी हणमंत यांना घेवुन उपचाराकरिता ग्रामीण रुग्रालय सांगोला येथे घेवुन आलो असता डॉक्टरांनी तपासुन हणमंत हे उपचारापुर्वी मयत झाले असल्याचे फिर्यादीत नमूद करण्यात आले आहे.