जुनोनी ते बेवनुर रोडवर खड्डेच खड्डे…
जुनोनी (जगदिश कुलकर्णी):-सांगोला तालुक्यातील राज्यमहामार्गावरील सोलापुर जिल्ह्याचे शेवटचे मोठे गाव म्हणुन जुनोनी गावाची ओळख आहे, या गावातुन जुनोनी ते बेवनुर रस्त्याची अवस्था इतकी वाईट झाली आहे की रोडवर खडी व मोठमोठे दगड, मुरूम, डांबरी पूर्णपणे उचकटून गेली आहे. काही ठिकाणी ठेकेदाराने अर्धवट काम केले आहे. यामुळे धुराळा उडत असून खराब रस्त्यामुळे मोटरसायकलचे अनेक अपघात झाले असून वाहनधारकांना त्रास होत आहे. जिल्हा परिषद बांधकाम विभागाने तातडीने लक्ष देऊन रस्त्याचे लवकरात लवकर डांबरीकरण करून काटेरी झुडपे काढून वाहनधारकांना दिलासा द्यावा अशी मागणी जुनोनी ग्रामस्थांनी केली आहे.
जुनोनी-बेवनुर हा महत्त्वाचा रस्ता आहे. या रोडवर दिवसभरात भरपूर वर्दळ असते. अनेक मोटरसायकलचे अपघात झाले असून अनेक लोक पडून जखमी झाले आहेत. बेवनुर रोड कडे जिल्हा परिषद बांधकाम विभाग जाणीवपूर्वक दुर्लक्ष करत आहे. रोडची दयनीय अवस्था झाली असुन रस्ताच्या दोन्ही बाजुला बाभळीच्या चिलारच्या झाडाचेे साम्राज्य निर्माण झाले आहेे.
जुनोनी गावाची लोकसंख्खा साधारणपणे सात हजाराच्या आसपास आहे,जुनोनी गावात कपड्याचे किराणा मालाचे दुकाने व मोठ्या बाजारपेठेचे गाव असल्यामुळे आठवडा बाजारही मोठा सोमवारी भरत असतोे यामुळे नागरीकांचा जुनोनी गावाकडे ओढा जास्त असतो, या मार्गावर दिवसभर जत,आटपाडी, कोळा अशा अनेक एसटी बसेस तसेच अनेक वाहनांची दिवसभर ये जा सुरु असते. लवकरात लवकर जिल्हा परिषद बांधकाम विभागाने लक्ष नाही दिले तर आंदोलन करणार असल्याचा इशारा माजी प्राचार्य वसंतराव मोहिते सर यांनी दिला आहे.
जुनोनी ते डाकामळा मोहिते वस्तीपर्यंत पर्यंत रस्त्याची खूप मोठी दुरावस्था झाली आहे. दगड माती मुरूम मोठमोठे दगडाचे टोळे वर आले आहेत,. ठेकेदाराने अर्धवट काम केले आहे.अनेक अपघात ठिकाणी घडले असून जिल्हा परिषद बांधकाम विभागाने तातडीने लक्ष देऊन रस्त्याचे काटेरी झुडपे काढून डांबरीकरण करणे गरजेचे आहे..
शिवाजी चौगुले, जुनोनी
जुनोनी-बेवनुर रोडची अवस्था खूप खराब असून रोज प्रवास करून खड्ड्यातून कसरत करत मोटरसायकल चालवावी लागत आहे.अनेकांना कमरेचा त्रास सुरू झाला असून अपघाताचे प्रमाण वाढले आहे संबंधित प्रशासनाने लक्ष द्यावे
स्वप्निल व्हनमाने,विद्यार्थी जुनोनी
