पुण्यश्लोक अहिल्यादेवी होळकर सोलापूर विद्यापीठ सोलापूर यांच्या वतीने श्री सुशीलकुमार शिंदे कॉलेज ऑफ फिजिकल एज्युकेशन, सोलापूर येथे पार पडलेल्या आंतर महाविद्यालयीन मैदानी स्पर्धेमध्ये सांगोला महाविद्यालयातील विद्यार्थिनी प्रियंका बंडोपंत सावंत हिने थाळीफेक क्रीडा प्रकारामध्ये प्रथम क्रमांक मिळवला. या विद्यार्थिनीची विद्यापीठ संघामध्ये निवड झाली. त्याचबरोबर सानिका श्रीकांत बाबर या विद्यार्थिनीने उंच उडी क्रीडा प्रकारांमध्ये व्दितीय क्रमांक आणि लांब उडी क्रीडा प्रकारांमध्ये व्दितीय क्रमांक मिळवला.
या यशाबद्दल संस्थेचे अध्यक्ष श्री बाबुराव गायकवाड, उपाध्यक्ष श्री.तात्यासाहेब केदार व श्री प्रा.पी.सी. झपके, खजिनदार श्री.नागेश गुळमिरे, सचिव श्री.ॲड.उदय घोंगडे, सहसचिव श्री. साहेबराव ढेकळे व इतर संस्था पदाधिकारी तसेच महाविद्यालयाचे प्रभारी प्राचार्य, डॉ. सुरेश भोसले यांनी अभिनंदन केले. खेळाडूंना प्रभारी प्राचार्य डॉ. सुरेश भोसले, शारीरिक शिक्षण संचालक प्रा. जगदीश चेडे व जिमखाना कमिटीचे सर्व सदस्य यांचे मार्गदर्शन लाभले.
