जिल्हयातील सर्व माजी सैनिक/माजी सैनिक विधवा / अवलंबितांना ई-सेवा केंद्रात नोंदणी करण्याचे आवाहन
सोलापूर – सैनिक कल्याण विभागाची वेबसाईट डीजीटीलायझेशन करावयाची असल्याने जिल्हयातील सर्व माजी सैनिक/माजी सैनिक विधवा / अवलंबितांनी आपल्या जवळच्या ई-सेवा केंद्रात जाऊन रजिस्ट्रेशन करावे व त्याची एक प्रत जिल्हा सैनिक कल्याण कार्यालय, सोलापूर येथे माहितीस्तव जमा करावी.
तसेच नवीन सेवानिवृत्त होणा-या माजी सैनिकांनी जिल्हा सैनिक कल्याण कार्यालयाकडून ओळखपत्र प्राप्त करणेसाठी सर्वप्रथम आपल्या जवळच्या ई-सेवा केंद्रात जाऊन के एस बी (Ksb)वेबसाईट वर आपला अर्ज भरावा व त्याची एक प्रत व अपलोड केलेली सर्व मुळ कागदपत्रे कार्यालयात सादर करुन आपले ओळखपत्र मिळण्यास मागणी करावी. वरील प्रमाणे कार्यवाही लवकरात लवकर करणेचे आवाहन जिल्हा सैनिक कल्याण अधिकारी,सोलापूर यांनी केले आहे.
